സ്പാനിഷ് ക്ലബായ ബാഴ്സലോണയിൽ എത്തിയ അനുഭവത്തെക്കുറിച്ച് സംസാരിച്ചിരിക്കുകയാണ് അർജന്റൈൻ ഇതിഹാസം ലയണൽ മെസി. തന്റെ ബാല്യകാല ക്ലബായ ന്യൂവെൽസ് ഓൾഡ് ബോയ്‌സിൽ കളിക്കുകയെന്നത് തന്റെ സ്വപ്നമായിരുന്നുവെന്നും എന്നാൽ ബാഴ്‌സയിലേക്ക് പോയത് തന്റെ ജീവിതം തന്നെ മാറ്റിമറിച്ചുവെന്നാണ് മെസി പറഞ്ഞത്. താൻ സ്വപ്നത്തിൽ പോലും ബാഴ്‌സലോണയിൽ കളിക്കുമെന്ന് കരുതിയില്ലെന്നും മെസി പറഞ്ഞു. ഇഎസ്പിഎന്നിന് നൽകിയ അഭിമുഖത്തിൽ സംസാരിക്കുകയായിരുന്നു മെസി. 

''എന്റെ ബാല്യകാല സ്വപ്നം ന്യൂവെൽസിന്റെ ഫസ്റ്റ് ടീമിൽ  കളിക്കുകയെന്നതായിരുന്നു. ഞാൻ സ്റ്റേഡിയങ്ങളിൽ പോവുമായിരുന്നു. ഒരു പ്രൊഫഷണലാകണമെന്ന് ഞാൻ സ്വപ്നം കണ്ടു. 13 വയസുള്ളപ്പോൾ ഞാൻ പുറത്തു പോയതും ബാഴ്‌സലോണയിൽ അരങ്ങേറ്റം കുറിച്ചതും ഇതിന് ശേഷം സംഭവിച്ച കാര്യങ്ങളെല്ലാം എന്റെ ജീവിതം പൂർണമായും മാറ്റി. എന്റെ സ്വപ്നത്തിൽ പോലും ഞാൻ ഒരിക്കലും സങ്കൽപ്പിക്കാത്ത ഒന്നായിരുന്നു ഇത്. എനിക്ക് സ്വപ്നം കാണാൻ സാധിക്കുന്ന എന്തിനേക്കാളും വലുതായി ഞാൻ ജീവിച്ചു'' ലയണൽ മെസി പറഞ്ഞു. 

സ്പാനിഷ് ക്ലബായ ബാഴ്സലോണയിലേക്ക് പോവുന്നതിന് മുമ്പായി മെസി ന്യൂവെൽസ് ഓൾഡ് ബോയ്‌സ് അക്കാദമിയുടെ ഭാഗമായിരുന്നു. തന്റെ പതിമൂന്നാം വയസിലാണ് മെസി ബാഴ്‌സലോണയിൽ എത്തിയത്. ബാഴ്സക്കൊപ്പം ഐതിഹാസികമായ ഒരു കരിയറാണ് മെസി പടുത്തുയർത്തിയത്.

2021ലാണ് മെസി ബാഴ്സലോണക്കൊപ്പമുള്ള തന്റെ ഐതിഹാസികമായ കരിയർ അവസാനിപ്പിച്ചുകൊണ്ട് പിഎസ്ജിയിലേക്ക് കൂടുമാറിയത്. സാമ്പത്തിക പ്രശ്നങ്ങൾ കാരണം കരാർ പുതുക്കാൻ കഴിയാത്തതിന് പിന്നാലെയാണ് മെസി ബാഴ്സ വിടാൻ നിർബന്ധിതനായത്. ബാഴ്സലോണക്കായി 778 മത്സരങ്ങളിൽ നിന്നും 672 ഗോളുകളും 303 അസിസ്റ്റുകളും ആണ് മെസി നേടിയിട്ടുള്ളത്. 

പിഎസ്ജിയിൽ രണ്ട് സീസണിൽ ബൂട്ട് കെട്ടിയ മെസി 2023ൽ ഇന്റർ മയാമിയിലേക്കും ചേക്കേറി. മെസിയുടെ വരവിനു പിന്നാലെ മേജർ ലീഗ് സോക്കറിന് കൃത്യമായ ഒരു മേൽവിലാസം ഉണ്ടാക്കിയെടുക്കാൻ സാധിച്ചിരുന്നു.

Argentine legend Lionel Messi has spoken about his experience at Spanish club Barcelona. He said that playing for his boyhood club Newell's Old Boys was his dream, but going to Barcelona changed his life. Messi said that he never dreamed that he would play for Barcelona.