മസ്‌കത്ത്: മത്സ്യബന്ധനം ശക്തിപ്പെടുത്തുന്നതിനും ദേശീയ വരുമാനം വര്‍ധിപ്പിക്കുന്നതിനുമുള്ള ശ്രമങ്ങളുടെ ഭാഗമായി മത്സ്യബന്ധന ബോട്ടുകള്‍ക്കായുള്ള കൃഷി-മത്സ്യബന്ധന-ജലവിഭവ മന്ത്രാലയം സംയോജിത സ്മാര്‍ട്ട് ട്രാക്കിംഗ് സംവിധാനം ആരംഭിച്ചു. പ്രാദേശിക കമ്പനിയുമായി വികസിപ്പിച്ചെടുത്ത ഈ സംവിധാനം എല്ലാ തീരദേശ ഗവര്‍ണറേറ്റുകളെയും ഉള്‍ക്കൊള്ളുമെന്നും 26,000 ബോട്ടുകള്‍ ലക്ഷ്യമിടുന്നുവെന്നും അനുബന്ധ ഉദ്യോഗസ്ഥര്‍ പറഞ്ഞു.

ALSO READ: മസ്‌കത്ത് വിമാനത്താവളത്തിലെ ടാക്‌സി സേവനങ്ങൾക്ക് ഇനി മുതൽ പുതിയ ഇടം

മത്സ്യബന്ധന മേഖലയില്‍ സുസ്ഥിരത ലക്ഷ്യമിട്ടുകൊണ്ട് ഡിജിറ്റല്‍ നിരീക്ഷണത്തിലൂടെ നിയന്ത്രിക്കുന്നതിനുള്ള പ്രധാന സംരംഭമാണിത്. ഈ സംവിധാനം വഴി കപ്പലുകളുടെ ചലനം നിരീക്ഷിക്കുകയും അതുവഴി അടിയന്തര സാഹചര്യങ്ങള്‍ കൈകാര്യം ചെയ്യാന്‍ സഹായിക്കും. തത്സമയം നിയമലംഘനങ്ങള്‍ കണ്ടെത്താനും സമുദ്ര സുരക്ഷ മെച്ചപ്പടുത്താനും കഴിയും. അടിയന്തര ഘട്ടങ്ങളില്‍ വേഗത്തിലുള്ള പ്രതികരണത്തിനായി തത്സമയ ലൊക്കേഷന്‍ ഡാറ്റ സഹായകരമാകും. ആദ്യ ഘട്ടത്തില്‍ 6,000 ട്രാക്കിംഗ് ഉപകരണങ്ങളില്‍ തുടങ്ങി ഘട്ടം ഘട്ടമായി 10,000 യൂണിറ്റുകള്‍ വീതമുള്ള രണ്ട് ഘട്ടങ്ങളാണ് വിഭാവനം ചെയ്യുന്നതെന്ന് അനുബന്ധ ഉദ്യോഗസ്ഥര്‍ പറയുന്നു.

The Ministry of Fisheries, Animal Husbandry and Dhariming has introduced an integrated smart tracking system for fishing boats, aiming to enhance monitoring, safety, and revenue growth in the fisheries sector.