തിരുവനന്തപുരം: നെടുമങ്ങാട് ഏണിക്കരയിൽ കെഎസ്ആർടിസി ബസും ക്രെയിനും കൂട്ടിയിടിച്ചു. തിരുവനന്തപുരത്ത് നിന്ന് വിതുരയിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്. വലിയ ദുരന്തം ഒഴിവായതിന്റെ ആശ്വാസത്തിലാണ് യാത്രക്കാരും നാട്ടുകാരും.

വഴയില-പഴകുറ്റി നാലുവരി പാതയുടെ നവീകരണ പ്രവർത്തനങ്ങൾ നടക്കുന്ന ഭാഗത്താണ് അപകടമുണ്ടായത്. വഴയിലയ്ക്കും ഏണിക്കരയ്ക്കും ഇടയിലുള്ള ചെറിയ വളവിൽ വെച്ച് ക്രെയിനിന്റെ നീളമുള്ള ഭാഗം (Boom) കെസ്ആർടിസി ബസിന്റെ മുൻവശത്തെ ​ഗ്ലാസിൽ ഇടിക്കുകയായിരുന്നു. ഇടിയുടെ ആഘാതത്തിൽ ബസിന്റെ മുൻഭാഗത്തെ ചില്ല് പൂർണ്ണമായും തകർന്നു. നിയന്ത്രണം വിട്ട ക്രെയിൻ സമീപത്തെ ചെറിയ കുഴിയിലേക്ക് മറിഞ്ഞു.

അതേസമയം, ബസിൽ യാത്രക്കാർ ഉണ്ടായിരുന്നെങ്കിലും ആർക്കും പരുക്കുകളില്ല. എന്നാൽ, ക്രെയിൻ ഡ്രൈവർക്ക് ചെറിയ പരുക്കുണ്ട്. അപകടത്തെത്തുടർന്ന് റോഡിൽ അല്പനേരം ഗതാഗത തടസ്സമുണ്ടായി. 

A KSRTC bus traveling from Thiruvananthapuram to Vithura collided with a crane in Nedumangad's Enikkara area, sparking concerns over road safety. Fortunately, no major casualties were reported, and the incident is being investigated.