പാലക്കാട്: വ്യായാമത്തിനായി അടുക്കളയില്‍ കെട്ടിയ പ്ലാസ്റ്റിക് കയര്‍ അബദ്ധത്തില്‍ കഴുത്തില്‍ കുരുങ്ങി വിദ്യാര്‍ത്ഥിനി മരിച്ചു. കൂറ്റനാട് പുളിക്കല്‍ വീട്ടില്‍ അലിമോന്റെ മകള്‍ ആയിഷ ഹിഫ (11) ആണ് മരിച്ചത്. വട്ടേനാട് ജിവിഎച്ച്എസ്എസ്സിലെ ആറാം ക്ലാസ് വിദ്യാര്‍ത്ഥിനിയാണ് മരിച്ച ആയിഷ.

ഉയരക്കുറവ് പരിഹരിക്കാനായി വീടിന്റെ അടുക്കളയില്‍ വ്യായാമത്തിനായി പ്ലാസ്റ്റിക് കയര്‍ കെട്ടിയിരുന്നു. ഇതില്‍ തൂങ്ങി വ്യായാമം ചെയ്യുന്നതിനിടെയാണ് അബദ്ധത്തില്‍ കഴുത്തില്‍ കയര്‍ കുരുങ്ങിയെതെന്നാണ് പ്രാഥമിക വിവരം. കുട്ടിയുടെ മാതാവും സഹോദരിയും പുറത്തുപോയ സമയത്തായിരുന്നു അപകടം നടന്നത്.

ALSO READ: കോഴിക്കോട് ബിവറജിലേക്ക് മദ്യവുമായി വന്ന ലോറി അപകടത്തില്‍പ്പെട്ട് ഡ്രൈവര്‍ക്ക് ദാരുണാന്ത്യം

വീട്ടിലുണ്ടായിരുന്ന മുത്തശ്ശിമാര്‍ കുട്ടിയെ കുറച്ചുനേരമായി കാണാത്തതിനെ തുടര്‍ന്ന് നടത്തിയ തിരച്ചിലിലാണ് അടുക്കളയില്‍ കയറില്‍ കുരുങ്ങിയ നിലയില്‍ ആയിഷയെ കണ്ടെത്തിയത്. ഉടന്‍ തന്നെ എടപ്പാളിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ തൃത്താല പൊലിസ് സ്ഥലത്തെത്തി തുടര്‍നടപടികള്‍ സ്വീകരിച്ചു. മൃതദേഹം നിലവില്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

An 11-year-old schoolgirl, Aisha Hifa of Pulikkal House in Kuttanad, Palakkad, died in a tragic domestic accident when a plastic rope tied in the kitchen for exercise accidentally got entangled around her neck while she was working out to improve her height. The incident occurred when her mother and sister were away, and she was later found by family members and rushed to a private hospital in Edappal, where she was declared dead. A Class 6 student of GVHSS Vattenad, Aisha’s death is being followed up by Thrithala police, and her body is currently kept in the hospital mortuary.