കോഴിക്കോട്: കോഴിക്കോട് ലോറിയും കാറും കൂട്ടിയിടിച്ച് ഡ്രൈവര്‍ക്ക് ദാരുണാന്ത്യം. അപകടത്തില്‍ ലോറി ഡ്രൈവര്‍ വയനാട് സ്വദേശിയായ കൃഷ്ണന്‍ ആണ് മരിച്ചത്. കോഴിക്കോട് ഇരിങ്ങാടന്‍ പള്ളി ജങ്ഷനിലാണ് അപകടം നടന്നത്. ലോറി കാറുമായി കൂട്ടിയിടിച്ച് മറിഞ്ഞാണ് അപകടമുണ്ടായത്. മൈസൂരുവില്‍ നിന്ന് കോഴിക്കോട് ബിവറേജിലേക്ക് മദ്യവുമായി വന്ന ലോറിയാണ് അപകടത്തില്‍ പെട്ടു മറിഞ്ഞത്.

ALSO READ: ദേശീയപാത കോഴിക്കോട് വടകര റീച്ചില്‍ സംരക്ഷണഭിത്തി നെടുകെ പിളര്‍ന്നു  

അപകടത്തില്‍ ലോറിക്കിടയില്‍ കുടുങ്ങിയ കൃഷ്ണനെ വെള്ളിമാട്കുന്ന് നിന്നെത്തിയ അഗ്നിരക്ഷാ സേനാംഗങ്ങള്‍ ഹൈഡ്രോളിക് കട്ടര്‍ ഉപയോഗിച്ചാണ് പുറത്തെടുത്തത്. ഗുരുതര പരിക്കുകളോടെ ഡ്രൈവറെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. അപകടരത്തെ തുടര്‍ന്ന് ബിയര്‍ കുപ്പികള്‍ പൊട്ടി റോഡില്‍ ചിതറിയ ചില്ലുകള്‍ ഫയര്‍ഫോഴ്‌സ് നീക്കം ചെയ്തു.

A lorry driver was killed in a tragic accident involving a lorry and a car at Iringadan Palli Junction in Kozhikode. The deceased has been identified as Krishnan, a native of Wayanad. The accident occurred when the lorry collided with a car and overturned.The lorry was transporting liquor from Mysuru to the Kozhikode Beverages Corporation depot. Krishnan became trapped under the overturned vehicle. Fire and rescue personnel from Vellimadukunnu used a hydraulic cutter to extricate him. He was rushed to the Kozhikode Medical College Hospital with serious injuries, but his life could not be saved.