ന്യൂഡല്‍ഹി: കരുവന്നൂര്‍ ബാങ്ക് തട്ടിപ്പുമായി ബന്ധപ്പെട്ട് രജിസ്റ്റര്‍ ചെയ്ത കേസില്‍ ഏഴ് പ്രതികളുടെ മുന്‍കൂര്‍ ജാമ്യാപേക്ഷ സുപ്രിംകോടതി തള്ളി. 2001നും2011 നും ഇടയില്‍ കരുവന്നൂര്‍ സഹകരണ ബാങ്കിന്റെ ഡയറക്ടര്‍ ബോര്‍ഡില്‍ അംഗങ്ങളായിരുന്നവരാണ് മുന്‍കൂര്‍ ജാമ്യാപേക്ഷയുമായി കോടതിയെ സമീപിച്ചിരുന്നത്. 

ജസ്റ്റിസ് എ അമാനുള്ള അധ്യക്ഷനായ ബെഞ്ചാണ് പ്രതികളുടെ മുന്‍കൂര്‍ ജാമ്യാപേക്ഷ തള്ളിയത്.

 സി.പി.എം നിയന്ത്രണത്തിലുള്ള ബാങ്ക് വഞ്ചനാപരമായ മാര്‍ഗങ്ങളിലൂടെ വായ്പകള്‍ നല്‍കിയെന്നും അതു വലിയ സാമ്പത്തിക നഷ്ടം വരുത്തിയെന്നുമാണ് കേസ്. നിയമങ്ങളും ചട്ടങ്ങളും ലംഘിച്ചും ശരിയായ സെക്യൂരിറ്റി ഇല്ലാതെയുമാണ് വായ്പകള്‍ നല്‍കിയത്. അനധികൃത ലോണില്‍ നിന്ന് നിശ്ചിത തുക സി.പി.എമ്മിന്റെ പ്രത്യേക അക്കൗണ്ടിലേക്ക് എത്തിയിരുന്നു. അഞ്ച് അക്കൗണ്ടുകള്‍ ഇത്തരത്തില്‍ പാര്‍ട്ടിക്കുണ്ടായിരുന്നുവെന്നാണ് ഇ.ഡി കണ്ടെത്തല്‍.

The Supreme Court has rejected the anticipatory bail pleas of seven accused in connection with the Karuvannur Cooperative Bank fraud case. The accused had approached the apex court seeking pre-arrest bail after being named in cases registered over alleged irregularities in the functioning of the bank.