മഞ്ചേരി: വ്യാജ എസ്.എസ്.എല്‍.സി സര്‍ട്ടിഫിക്കറ്റ് ഉപയോഗിച്ചു പാസ്‌പോര്‍ട്ടിന് അപേക്ഷിച്ചയാള്‍ പിടിയില്‍. പൂക്കോട്ടൂര്‍ അറവങ്കര പാറാഞ്ചേരി പള്ളിയാളിതാടി അബ്ദുസമദാ(28)ണു പിടിയിലായത്. മലപ്പുറം പാസ്‌പോര്‍ട്ട് ഓഫിസറുടെ പരാതിയില്‍ നടത്തിയ അന്വേഷത്തിലാണു പ്രതി പിടിയിലായത്.
നാഷണല്‍ ഓപ്പണ്‍ സ്‌കൂളിന്റെ  പേരിലുള്ള സര്‍ട്ടിഫിക്കറ്റാണു വ്യാജമായി നിര്‍മിച്ചത്. മൂന്നുമാസം മുന്‍പ് ഇത്തരത്തില്‍ പാസ്‌പോര്‍ട്ടിന് അപേക്ഷിച്ച പതിനാലോളം സര്‍ട്ടിഫിക്കറ്റുകള്‍ വ്യാജമാണെന്നു മലപ്പുറം പാസ്‌പോര്‍ട്ട് ഓഫിസില്‍ നടത്തിയ പരിശോധനയില്‍ കണ്ടത്തിയിരുന്നു. എല്ലാം നാഷണല്‍ ഇന്‍സ്റ്റിറ്റൂട്ട് ഓപ്പണ്‍ സ്‌കൂളിന്റെ പേരില്‍ ഉള്ളതായിരുന്നു. ഇയാള്‍ നേരത്തെ പാസ്‌പോര്‍ട്ട് എടുത്തിട്ടുണ്ടെന്നു പൊലിസ് പറഞ്ഞു.
പ്രതിക്കു സര്‍ട്ടിഫിക്കറ്റ് നിര്‍മിച്ചു നല്‍കിയതു നേരത്തെ വ്യാജ ജനന സര്‍ട്ടിഫിക്കറ്റ് നിര്‍മിച്ച കേസില്‍ പിടിയിലായ പൂക്കോറ്റൂര്‍ വെള്ളൂര്‍ സ്വദേശി അലവിയാണെന്നു അന്വേഷണത്തില്‍ കണ്ടെത്തി.
പ്രതിയെ കൂടുതല്‍ അന്വേഷത്തിനായി  കസ്റ്റഡിയില്‍ വാങ്ങും. ഇത്തരം 50 സര്‍ട്ടിഫിക്കറ്റുകള്‍ അലവി നിര്‍മിച്ചു നല്‍കിയതായി പൊലിസ് പറഞ്ഞു. പാസ്‌പോര്‍ട്ട് എടുത്തു വിദേശത്തു കടന്നവരെക്കുറിച്ചും വിവരം ലഭിച്ചു. പ്രതിയെ ഇന്നലെ കോടതിയില്‍ ഹാജരാക്കി റിമാന്‍ഡ് ചെയ്തു.
മഞ്ചേരി സി.ഐ ബിജുവിന്റെ നേതൃത്വത്തില്‍ എസ്.ഐ  കൈലാസ് നാഥനനാണു പ്രതിയെ പിടികൂടിയത്. ക്രൈം സ്‌ക്വാഡ് അംഗങ്ങള്‍ ഉണ്ണികൃഷ്ണന്‍ മാറാത്ത്, പി.സഞ്ജീവ് എന്നിവരും സംഘത്തില്‍ ഉണ്ടായിരുന്നു.

ഫോട്ടോ..അബ്ദുസമദ്