കൊളംബോ: ഡിറ്റ് വാ ചുഴലിക്കാറ്റ് വിതച്ച നാശനഷ്ടങ്ങളിൽ നിന്ന് കരകയറുന്നതിനിടെ ശ്രീലങ്കയിൽ വീണ്ടും തീവ്ര ന്യൂന മർദ്ദ മുന്നറിയിപ്പ്. ബംഗാൾ ഉൾക്കടലിൽ രൂപപ്പെട്ട അതിതീവ്ര ന്യൂനമർദ്ദം നാളെ (ജനുവരി 9) ശ്രീലങ്കൻ തീരത്തെത്തിയേക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

നാളെ വൈകിട്ട് 5.30-നും രാത്രി 11.30-നും ഇടയിൽ ന്യൂനമർദ്ദം കരയിൽ പ്രവേശിക്കാൻ സാധ്യതയുണ്ട്. ഹംബൻടോട്ടയ്ക്കും കൽമുനാക്കിനും ഇടയിലുള്ള തീരപ്രദേശങ്ങളിലൂടെയാകും ഇത് കടന്നുപോകുക. ഈ സാഹചര്യത്തിൽ കിഴക്കൻ പ്രവിശ്യയിലും മുല്ലൈത്തീവ്, വവുനിയ, കിളിനോച്ചി, പോളൊന്നറുവ എന്നീ ജില്ലകളിലും അതിശക്തമായ മഴ ലഭിക്കാൻ സാധ്യതയുണ്ട്. 

ALSO READ: സ്കൂൾ വിട്ടു മടങ്ങവെ വിദ്യാർഥിനിക്ക് നേരെ വളർത്തുനായ്ക്കളുടെ ക്രൂരത; പ്ലസ് ടു വിദ്യാർഥിനിക്ക് ഗുരുതര പരിക്ക്

ഈ സാഹചര്യത്തിൽ, ജനുവരി 8 മുതൽ 12 വരെയുള്ള തീയതികളിൽ കേരളത്തിൽ നേരിയ / ഇടത്തരം മഴക്കും, ശനിയാഴ്ച, (ജനുവരി 10) ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഇതനുസരിച്ച്, ശനിയാഴ്ച പത്തനംതിട്ട, ഇടുക്കി എന്നീ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

Even as SriLanka recovers from the devastation caused by Cyclone Ditwa, the Meteorological Department has issued a fresh warning regarding a Deep Depression forming in the Bay of Bengal. The system is expected to cross the coast between Hambantota and Kalmunai on January 9, 2026, between 5:30 PM and 11:30 PM.