റിയാദ്: തെക്കന്‍ സഊദിയിലെ അബഹക്ക് സമീപം ഉണ്ടായ വാഹനാപകടത്തില്‍ മലയാളി യുവാവിനും കര്‍ണാടക സ്വദേശിക്കും ദാരുണാന്ത്യം. കാസര്‍കോട് വലിയപറമ്പ സ്വദേശി എ.ജി റിയാസ്, ഉഡുപ്പി സ്വദേശി അമ്മാര്‍ അഹമ്മദ് എന്നിവരാണ് അപകടത്തില്‍ മരിച്ചത്. 

തിങ്കളാഴ്ച രാത്രി പത്തു മണിയോടെ അബഹയില്‍ നിന്നും എണ്‍പതു കിലോമീറ്റര്‍ അകലെ മര്‍ദ എന്ന സ്ഥലത്ത് വെച്ചായിരുന്നു പ്രവാസ ലോകത്തെ നടക്കിയ അപകടം സംഭവിച്ചത്.

ALSO READ: ഭര്‍ത്താവിന്റെ അടുത്തേക്ക് വിസിറ്റ് വിസയിലെത്തിയ മലയാളി വീട്ടമ്മ സൗദിയില്‍ അന്തരിച്ചു 

സെന്‍ട്രല്‍ പോയിന്റ് ജീസാന്‍ ബ്രാഞ്ചിലെ ജീവനക്കാരായിരുന്നു ഇവര്‍. അബഹയിലെ റീജിയണല്‍ ഓഫീസില്‍ വെച്ച് നടന്ന സ്റ്റാഫ് മീറ്റിംഗില്‍ പങ്കെടുത്ത് മടങ്ങുന്നതിനിടെയായിരുന്നു അപകടം. സഊദിയ പൗരന്‍ ഓടിച്ചിരുന്ന വാഹനവുമായി അവരുടെ ടൊയോട്ട യാരിസ് കൂട്ടിയിടിക്കുകയായിരുന്നു. ഇതിനുപിന്നാലെ ഇവരുടെ കാര്‍ നിയന്ത്രണം വിട്ട മറ്റൊരു കാറിലും ഇടിച്ചു.

റിയാസും അമ്മാറും അപകട സ്ഥലത്തു വെച്ചു തന്നെ മരിച്ചു. കാറിലുണ്ടായിരുന്ന സഹയാത്രികരായ തമീം, ബിഷാല്‍ എന്നിവര്‍ക്ക് പരുക്കേറ്റു. ഇവരെ ദര്‍ബിലെ ജനറല്‍ ഹോസ്പിറ്റലില്‍ പ്രവേശിപ്പിച്ചു. 

ALSO READ: മണ്ണാര്‍ക്കാട് സ്വദേശി സൗദിയില്‍ വാഹനാപകടത്തില്‍ മരിച്ചു 

കാസര്‍കോട് വലിയപറമ്പ എഎല്‍പി സ്‌കൂളിന് സമീപം താമസിക്കുന്ന റംലത്ത്-മുബാറക് ദമ്പതികളുടെ മകനാണ് അപകടത്തില്‍ മരിച്ച റിയാസ്. ഉഡുപ്പി കുന്ദാപുര സ്വദേശികളായ ഇര്‍ഷാദ് അഹമ്മദ്-നജീന ദമ്പതികളുടെ മകനാണ് അമ്മാര്‍ അഹമ്മദ്.

two people died in a tragic vehicle accident in abha saudi arabia including a young malayali expatriate prompting condolences and safety concerns among kerala community and indian expats abroad after late night highway collision incident