റിയാദ്: സ്വകാര്യ മേഖലയിൽ സ്വദേശികൾക്ക് കൂടുതൽ തൊഴിലവസരങ്ങൾ നൽകുന്ന പദ്ധതിയായ 'നിതാഖാത് മുത്തവർ' വൻ വിജയത്തിലേക്ക്. പദ്ധതിയിലൂടെ 5,50,000ത്തിലധികം സഊദി പൗരന്മാർക്കാണ് സ്വകാര്യ മേഖലയിൽ തൊഴിൽ ലഭിച്ചതെന്ന് മാനവ വിഭവശേഷി, സാമൂഹിക വികസന മന്ത്രാലയം വ്യക്തമാക്കി. പദ്ധതി നടപ്പിലാക്കിയിട്ട് ഇതിനോടകം മൂന്ന് വർഷം മാത്രമേ ആയിട്ടുള്ളൂവെങ്കിലും റെക്കോർഡ് നേട്ടമാണ് ഇതിലൂടെ കൈവരിച്ചത്.

ALSO READ: ബൃഹദ് പദ്ധതികൾ പ്രഖ്യാപിച്ച് കെ.എസ് റിലീഫ്; ഈ വർഷം 44 രാജ്യങ്ങളിലായി 113 പദ്ധതികൾ നടപ്പിലാക്കും

ആദ്യഘട്ടത്തിൽ 3,40,000 തൊഴിലവസരങ്ങളാണ് മന്ത്രാലയം ലക്ഷ്യമിട്ടിരുന്നെങ്കിലും അത് മറികടന്ന് അഞ്ചര ലക്ഷത്തിലധികം ആളുകൾക്ക് തൊഴിൽ നൽകാൻ സാധിച്ചു. അടുത്ത മൂന്ന് വർഷത്തിനുള്ളിൽ 3,40,000 സഊദി പൗരന്മാർക്ക് കൂടി സ്വകാര്യ മേഖലയിൽ തൊഴിൽ ഉറപ്പാക്കുകയാണ് രണ്ടാം ഘട്ടത്തിലൂടെ ലക്ഷ്യമിടുന്നത്. നിലവിൽ സഊദിയിലെ സ്വകാര്യ മേഖലയിൽ ജോലി ചെയ്യുന്ന സ്വദേശികളുടെ എണ്ണം 2.5 ദശലക്ഷം (25 ലക്ഷം) കവിഞ്ഞതായി മാനവ വിഭവശേഷി മന്ത്രി അഹമ്മദ് ബിൻ സുലൈമാൻ അൽ-രാജി നേരത്തെ വ്യക്തമാക്കിയിരുന്നു.

Saudi Arabia’s Nitaqat Al-Mutawar program achieved a milestone by employing over 550,000 Saudis in the private sector within three years, exceeding its initial target. As the second phase launches to create 340,000 additional jobs, the total number of Saudis in the private sector has now surpassed 2.5 million, reflecting the Kingdom's commitment to Vision 2030.