അബൂദബി: അബൂദബിയിലെ സര്‍ക്കാര്‍ ജീവനക്കാരുടെ ഓവര്‍ടൈം ആനുകൂല്യങ്ങളില്‍ നിയന്ത്രണം. പ്രതിമാസ ഓവര്‍ടൈം അലവന്‍സ് അടിസ്ഥാന ശമ്പളത്തിന്റെ 50 ശതമാനമോ അല്ലെങ്കില്‍ പരമാവധി 4,000 ദിര്‍ഹമോ ആയി പരിമിതപ്പെടുത്തി.

ഒരു ദിവസം നാല് മണിക്കൂറില്‍ കൂടുതല്‍ ഓവര്‍ടൈം ജോലി പാടില്ല. മാസത്തില്‍ പരമാവധി 80 മണിക്കൂറിലധികം ഓവര്‍ടൈം ജോലി അനുവദിക്കില്ലെന്നും ഗവണ്‍മെന്റ് എനേബിള്‍മെന്റ് വകുപ്പ് പുതിയ മാര്‍ഗനിര്‍ദേശങ്ങളില്‍ നിഷ്‌കര്‍ഷിക്കുന്നു. പുതിയ നിയമം പ്രാബല്യത്തിലായിട്ടുണ്ട്.

അധിക ജോലി ചെയ്യുന്നവര്‍ക്ക് പണമായോ അല്ലെങ്കില്‍ എട്ട് മണിക്കൂര്‍ ജോലിക്ക് ഒരു ദിവസത്തെ അവധി എന്ന നിലയില്‍ വാര്‍ഷിക അവധിയായോ ഓവര്‍ടൈം ആനുകൂല്യം കൈപ്പറ്റാം. സൂപ്പര്‍വൈസറി തസ്തികയ്ക്ക് താഴെയുള്ള ജീവനക്കാര്‍ക്ക് മാത്രമാണ് ഈ ആനുകൂല്യങ്ങള്‍ക്ക് അര്‍ഹതതെന്നും പുതിയ ഉത്തരവില്‍ പറയുന്നു.

മേലുദ്യോഗസ്ഥന്റെ രേഖാമൂലമുള്ള നിര്‍ദ്ദേശപ്രകാരം മാത്രമായിരിക്കണം അധിക ജോലി ചെയ്യേണ്ടത്. ജീവനക്കാരന്റെ സാധാരണ ചുമതലകളില്‍ ഉള്‍പ്പെടാത്ത ജോലികള്‍ക്കായിരിക്കണം മുന്‍ഗണന. തൊഴില്‍ ആവശ്യങ്ങള്‍ക്ക് മാത്രമായിരിക്കണം ഈ സമയം വിനിയോഗിക്കേണ്ടത്. സ്വന്തം ജോലിയിലുണ്ടായ വീഴ്ചകളോ അശ്രദ്ധയോ പരിഹരിക്കുന്നതിനായി എടുക്കുന്ന അധിക സമയം ഓവര്‍ടൈം സേവനമായി കണക്കാക്കില്ല.

English summary : Abu Dhabi has implemented new restrictions on overtime benefits for government employees. Under the new guidelines issued by the Department of Government Enablement, eligible non-supervisory staff can receive overtime compensation in cash or as additional leave (one day off for every 8 hours worked), subject to the following conditions: