കണ്ണൂർ: കൊളക്കാട് താന്നിക്കുന്നിൽ അമ്മയെ മകൻ കഴുത്തറുത്ത് കൊലപ്പെടുത്തി. കൊളക്കാട്, താന്നിക്കുന്ന് മഠത്തിപറമ്പിൽ ഗീതമ്മ (50) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് മകൻ ക്രിസ്റ്റിയെ പൊലിസ് കസ്റ്റഡിയിലെടുത്തു. കൊലപാതകത്തിന് ശേഷം ക്രിസ്റ്റി പൊലിസ് സ്റ്റേഷനിൽ നേരിട്ടെത്തി കീഴടങ്ങുകയായിരുന്നു.

ഇന്നലെ രാത്രി എട്ടിനും പത്തരയ്ക്കും ഇടയിലായിരുന്നു സംഭവം നടന്നത്. വീട്ടിലുണ്ടായ കടുത്ത വാക്കുതർക്കത്തിന് പിന്നാലെ ക്രിസ്റ്റി കത്തി ഉപയോഗിച്ച് ഗീതമ്മയുടെ കഴുത്തിൽ കുത്തി കൊലപ്പെടുത്തുകയായിരുന്നുവെന്ന് പൊലിസ് പറഞ്ഞു.

ALSO READ: കുട്ടനാട്ടിൽ പാമ്പുകടിയേറ്റ് വീട്ടമ്മ മരിച്ചു; സംസ്ഥാനത്ത് ഒരാഴ്ചയ്ക്കിടെ നാല് മരണം

പ്രതിയായ ക്രിസ്റ്റി ലഹരിക്ക് അടിമയാണെന്നാണ് പ്രാഥമിക വിവരം. കൊലപാതകം നടക്കുമ്പോഴും ഇയാൾ ലഹരി ഉപയോഗിച്ചിരുന്നതായാണ് സൂചനകൾ. കൊല്ലപ്പെട്ട ഗീതമ്മ ബി.ജെ.പി മഹിളാ മോർച്ചയുടെ ജില്ലാ നേതാവായി പ്രവർത്തിച്ചുവരികയായിരുന്നു.

കൃത്യത്തിന് ശേഷം സ്വയം കീഴടങ്ങിയ പ്രതിയെ പൊലിസ് വിശദമായി ചോദ്യം ചെയ്തുവരികയാണ്. കൊലപാതകത്തിന് ഉപയോഗിച്ച ആയുധം പൊലിസ് കണ്ടെടുത്തു. മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്‌മോർട്ടത്തിനായി പരിയാരം മെഡിക്കൽ കോളേജ് മോർച്ചറിയിലേക്ക് മാറ്റി.

In a tragic incident in Kolakkad, Kannur, a woman was murdered by her son following a heated argument. The victim, Geethamma, a district leader of the Mahila Morcha, was killed between 8:00 PM and 9:00 PM last night.