കണ്ണൂർ: റിപ്പബ്ലിക് ദിനാഘോഷ പരിപാടിക്കിടെ മന്ത്രി കടന്നമ്പള്ളി രാമചന്ദ്രന് ദേഹാസ്വാസ്ഥ്യം. കണ്ണൂരിൽ നടന്ന ചടങ്ങിൽ പ്രസംഗം അവസാനിപ്പിച്ചതിന് പിന്നാലെ കടന്നമ്പള്ളി രാമചന്ദ്രൻ കുഴഞ്ഞു വീഴുകയായിരുന്നു. പരേഡിൽ പതാക ഉയർത്തിയതിനു ശേഷം പ്രസംഗിക്കുമ്പോഴാണ് മന്ത്രിക്ക് തലകറക്കം അനുഭവപ്പെട്ടത്.

തുടർന്ന് അദ്ദേഹം തളർന്നുവീഴാൻ പോകവേ എല്ലാവരും താങ്ങി പിടിക്കുകയായിരുന്നു. തുടർന്ന് മന്ത്രിയെ ആശുപത്രിയിലേക്ക് മാറ്റി.  കുഴഞ്ഞുവീണ ശേഷം മന്ത്രി അല്പസമയം അബോധാവസ്ഥയിൽ ആയിരുന്നു ഉണ്ടായിരുന്നത്.  എന്നാൽ പിന്നീട് ആംബുലൻസിലേക്ക് മന്ത്രി നടന്നാണ് പോയത്.