റിയാദ്: പ്രമുഖ സഊദി ഗായകൻ മുഹമ്മദ് അബ്ദു തന്റെ സംഗീത പരിപാടികളിൽ നിയന്ത്രണം ഏർപ്പെടുത്തുന്നു. ആരോഗ്യപരമായ കാരണങ്ങളാലാണ് പൊതു വേദികളിൽനിന്ന് വിട്ടുനിൽക്കുന്നതെന്ന് അദ്ദേഹത്തിന്റെ ഓഫീസ് അറിയിച്ചു. രാജ്യത്തിന്റെ ഔദ്യോഗിക ചടങ്ങുകളിൽ അദ്ദേഹം തുടർന്നും പങ്കെടുക്കും. സൽമാൻ രാജാവിന്റെയും കിരീടാവകാശി മുഹമ്മദ് ബിൻ സൽമാൻ രാജകുമാരന്റെയും നേതൃത്വത്തിൽ നടക്കുന്ന ദേശീയ പരിപാടികളിൽ അദ്ദേഹത്തിന്റെ സാന്നിധ്യം ഇനിയും ഉണ്ടാകും.

ALSO READ: റമദാനിൽ രാജകാരുണ്യം: സഊദിയിൽ തടവുകാർക്ക് പൊതുമാപ്പ്, നടപടികൾക്ക് തുടക്കം

ദശകങ്ങളായി ഗൾഫ്, അറബ് സംഗീത ലോകത്തെ ഏറ്റവും സ്വാധീനമുള്ള വ്യക്തിത്വങ്ങളിൽ ഒരാളാണ് മുഹമ്മദ് അബ്ദു. അദ്ദേഹത്തെ ആദരപൂർവ്വം "ഫന്നാൻ അൽ-അറബ്" (അറബികളുടെ കലാകാരൻ) എന്നാണ് വിളിക്കുന്നത്. 1960കളിൽ കലാജീവിതം ആരംഭിച്ച അദ്ദേഹത്തിന്റെ "അബിയാദ് വി അസ്‌വദ്", "മദ്‌ഹൽ ഫർഹ", "അൽ അമകിൻ" തുടങ്ങിയവ ഏറെ ആരാധകരുള്ള ​ഗാനങ്ങളാണ്.  

Iconic Saudi singer Mohammed Abdu, known as 'Fannan Al-Arab,' announces a reduction in public musical performances due to health reasons, while continuing his participation in national events.