കുന്നംകുളം: മതിയായ രേഖകളില്ലാതേയും ഒന്നര വര്‍ഷത്തോളം രജിസ്‌ട്രേഷന്‍ നടപടികള്‍ പൂര്‍ത്തിയാക്കാതെയും ഓടിച്ചിരുന്ന കാര്‍ എക്‌സൈസ് പിടിച്ചെടുത്ത് കുന്നംകുളം പൊലിസിന് കൈമാറി. മലപ്പുറം കോക്കൂര്‍ സ്വദേശി പുളിക്കപ്പളളി മഞ്ഞാലില്‍ അന്‍സാറാണ് കാര്‍ ഓടിച്ചിരുന്നത്. ഓണത്തിന്റെ ഭാഗമായി കഴിഞ്ഞ ദിവസം എക്‌സൈസ് ഏന്‍ഫോഴ്‌സ്‌മെന്റ് ആന്റ് നാര്‍ക്കോട്ടിക്ക് സ്‌പെഷ്യല്‍ സ്‌ക്വാഡ് നടത്തിയ പരിശോധയിലാണ് കാര്‍ പിടികൂടിയത്. രേഖകളില്ലാതെ കാര്‍ ഏകദേശം 65000 കിലോ മീറ്റര്‍ സഞ്ചരിച്ചിരുന്നു. കാര്‍ ഓടിച്ചിരുന്ന അന്‍സാറിന് ലൈസന്‍സും ഉണ്ടായിരുന്നില്ല. പിടിച്ചെടുത്ത കാര്‍ കുന്നംകുളം സി.ഐ രാജേഷ്.കെ.മേനോനിന് കൈമാറി. അന്വേഷണത്തിനു ശേഷം വാഹനം കോടതിയില്‍ ഹാജരാക്കി.