ചാവക്കാട്: ദേശീയപാത 17 ല്‍ ഒരുമനയൂര്‍ മൂന്നാംകല്ലില്‍ അഞ്ച് വാഹനങ്ങള്‍ കൂട്ടിയിടിച്ചു. കഴിഞ്ഞ ദിവസം ഉച്ചക്കു ശേഷം മൂന്ന് മണിക്കായിരുന്നു അപകടം. കൊടുങ്ങല്ലൂരിലേക്കു പോകുകയായിരുന്ന സ്വകാര്യ ബസിനു പുറകില്‍ റെനോ ഡസ്റ്റര്‍ കാറിടിക്കുകയായിരുന്നു. പിന്നീട് സിഫ്റ്റ്, ഫിയറ്റ് ലീനിയ, ആള്‍ട്ടോ കാറുകള്‍ ഒരോന്നിനു പുറകിലായി ഇടിച്ചു നിന്നു. ഡസ്റ്റര്‍, സിഫ്റ്റ്, ഫിയറ്റു, കാറുകള്‍ക്ക് മുന്‍വശങ്ങളിലും, പുറകു ഭാഗങ്ങളിലും കേടു പാടുകള്‍ പറ്റി. രണ്ടു വാഹനങ്ങളുടെ ബോണറ്റുകള്‍ പൂര്‍ണമായും തകര്‍ന്നു ഉള്ളിലേക്കു പോയി. മുന്നില്‍ പോയിരുന്ന ബസ് പെട്ടന്ന് ബ്രൈയ്ക്ക് ചവിട്ടിയതാണ് വാഹനങ്ങള്‍ ഒരോന്നിനും പുറകിലായി വന്നിടിച്ചത്. സമീപത്തുണ്ടായിരുന്ന ഹൈവേ പൊലിസ് നടപടികള്‍ സീകരിച്ചു. വാഹനങ്ങളിലുണ്ടായിരുന്ന അഞ്ചു പേര്‍ക്ക് നിസാര പരുക്കേറ്റിട്ടുണ്ട്.