തിരുവനന്തപുരം: നിയമസഭ തെരഞ്ഞെടുപ്പിനുള്ള സിപിഎം ആദ്യഘട്ട സ്ഥാനാര്‍ഥി പട്ടികയായി. കുന്നംകുളത്ത് എ.സി മൊയ്തീനും മണലൂരില്‍ സി.രവീന്ദ്രനാഥും ഇത്തവണ മത്സരിക്കും. 

തൃപ്പൂണിത്തുറയില്‍ കെ.എന്‍ ഉണ്ണിക്കൃഷ്ണനും വൈപ്പിനില്‍ എം.ബി ഷൈനിയും മത്സരിക്കും. അതേസമയം, പി.സരിന്റെ കാര്യത്തില്‍ അന്തിമതീരുമാനമെടുത്തിട്ടില്ല. പാലക്കാട്ടെ കോണ്‍ഗ്രസ് സ്ഥാനാര്‍ഥി പ്രഖ്യാപനത്തിന് ശേഷമായിരിക്കും സരിനെ മത്സരിപ്പിക്കുന്ന കാര്യത്തില്‍ തീരുമാനമുണ്ടാകുക. നെന്മാറയില്‍ കെ.പ്രേമനും ആലത്തൂരില്‍ ജില്ലാ സെക്രട്ടറിയേറ്റം അംഗം ടി.എ ശശിയും മത്സരിക്കും. 

കുണ്ടറയിൽ എസ്.എൽ സജി കുമാർ സ്ഥാനാർഥിയാകും. മത്സരിക്കാൻ ഇല്ലെന്ന് ജെ മേഴ്സിക്കുട്ടിയമ്മ അറിയിച്ചു. സംസ്ഥാന സമിതിയിലാണ് മേഴ്സിക്കുട്ടിയമ്മയുടെ പ്രതികരണം. തവനൂരിൽ കെ ടി ജലീൽ മത്സരിക്കും. പൊന്നാനിയിൽ എം കെ സക്കീർ. നിലമ്പൂർ, പെരിന്തൽമണ്ണ, മങ്കട മണ്ഡലങ്ങളിൽ പൊതുസ്വതന്ത്രരും മത്സരിക്കും.