2026 ടി-20 ലോകകപ്പ് ചാമ്പ്യന്മാർ ആരായിരിക്കുമെന്ന ആകാംക്ഷയിലാണ് ക്രിക്കറ്റ് ലോകം. നാളെ നടക്കുന്ന കിരീട പോരാട്ടത്തിൽ ഇന്ത്യയും ന്യൂസിലാൻഡുമാണ് നേർക്കുനേർ എത്തുന്നത്. അഹമ്മദാബാദിലെ നരേന്ദ്രമോദി സ്റ്റേഡിയത്തിൽ നടക്കുന്ന ആവേശകരമായ ഫൈനലിൽ തുടർച്ചയായ രണ്ടാം കിരീടം ലക്ഷ്യമിട്ടായിരിക്കും  സൂര്യകുമാർ യാദവും സംഘവും കളത്തിൽ ഇറങ്ങുന്നത്. എന്നാൽ മറുഭാഗത്ത് ചരിത്രത്തിലെ ആദ്യ ടി-20 കിരീടം സ്വന്തമാക്കാമായിരിക്കും മിച്ചൽ സാന്റ്നറും സംഘവും ലക്ഷ്യം വെക്കുക. 

ഫൈനൽ മത്സരത്തിന് മുന്നോടിയായി മോശം ഫോമിലുള്ള ഇന്ത്യൻ സ്പിന്നർ വരുൺ ചക്രവർത്തിക്ക് പിന്തുണ നൽകിയിരിക്കുകയാണ് ഇന്ത്യൻ നായകൻ സൂര്യകുമാർ യാദവ്. വരുൺ ചക്രവർത്തിയുടെ ഫോമിൽ ആശങ്കയില്ലെന്നാണ് സ്‌കൈ പറഞ്ഞത്. വരുൺ ലോകത്തിലെ ഒന്നാം നമ്പർ ബൗളർ ആണെന്നും എപ്പോൾ വേണമെങ്കിലും മത്സരം വിജയിപ്പിക്കാൻ വരുണിന് സാധിക്കുമെന്നും സൂര്യകുമാർ യാദവ് വ്യക്തമാക്കി. 

''ഞങ്ങൾക്ക് അദ്ദേഹത്തെക്കുറിച്ച് ഒട്ടും ആശങ്കയില്ല. അദ്ദേഹം ലോകത്തിലെ ഒന്നാം നമ്പർ ബൗളർ ആണ്. എപ്പോൾ എന്ത് ചെയ്യണമെന്നും ഏത് എതിരാളികൾക്കെതിരെ എങ്ങനെ പന്തെറിയണമെന്നും അദ്ദേഹത്തിന് അറിയാം. ഞങ്ങൾക്ക് വേണ്ടി മത്സരങ്ങൾ വിജയിപ്പിക്കാൻ വരുണിന് അറിയാം. അദ്ദേഹം അത് ചെയ്യുമെന്ന് എനിക്കറിയാം'' സൂര്യകുമാർ യാദവ് പറഞ്ഞു. 

ലോകകപ്പ് ഗ്രൂപ്പ് ഘട്ടത്തിൽ 9 വിക്കറ്റുകൾ വീഴ്ത്തി ഇന്ത്യൻ വിജയങ്ങളിൽ നിർണ്ണായക പങ്ക് വഹിച്ച താരമാണ് വരുൺ ചക്രവർത്തി. എന്നാൽ കരുത്തരായ ടീമുകൾ വരുണിന്റെ 'മിസ്റ്ററി' പന്തുകളെ അനായാസം തിരിച്ചറിയാൻ തുടങ്ങിയതോടെ താരം റൺസ് വഴങ്ങുന്ന കാര്യത്തിൽ യാതൊരു നിയന്ത്രണവുമില്ലാത്ത അവസ്ഥയിലായി. വരുണിന് പകരം കുൽദീപ് യാദവിനെ സെമിയിൽ ഉൾപ്പെടുത്തണമെന്ന് മുൻ താരങ്ങൾ ഉൾപ്പെടെ അഭിപ്രായപ്പെട്ടിരുന്നെങ്കിലും ക്യാപ്റ്റൻ സൂര്യകുമാർ വരുണിൽ തന്നെ വിശ്വാസമർപ്പിക്കുകയായിരുന്നു.

സെമി ഫൈനലിൽ ഇംഗ്ലണ്ടിനെതിരെ മോശം പ്രകടനമാണ് വരുൺ പുറത്തെടുത്തത്. ഇംഗ്ലണ്ടിനെതിരെ നാല് ഓവറിൽ ഒരു വിക്കറ്റ് വീഴ്ത്തിയെങ്കിലും 64 റൺസാണ് വരുൺ വിട്ടുകൊടുത്തത്. വാംഖഡെയിലെ ബാറ്റിംഗ് പിച്ചിൽ ഇംഗ്ലീഷ് ബാറ്റ്‌സ്മാൻമാർ വരുണിന്റെ ഓരോ പന്തിനെയും അതിർത്തി കടത്തുന്ന കാഴ്ചയാണ് കണ്ടത്. ടി-20 ക്രിക്കറ്റിൽ സ്പിന്നർമാർ റൺസ് നിയന്ത്രിച്ച് സമ്മർദ്ദം ചെലുത്തേണ്ട സ്ഥാനത്താണ് വരുൺ ഓരോ ഓവറിലും 10-ന് മുകളിൽ ഇക്കോണമിയിൽ റൺസ് നൽകുന്നത്. ഇത് മറ്റ് ബൗളർമാരായ ജസ്പ്രീത് ബുംറയ്ക്കും അർഷ്ദീപിനും വലിയ സമ്മർദ്ദമാണ് നൽകുന്നത്. 

The cricket world is eagerly waiting to see who will be the champions of the 2026 T20 World Cup. India and New Zealand will face each other in the title fight tomorrow. Ahead of the final match, Indian captain Suryakumar Yadav has supported Indian spinner Varun Chakravarthy, who is in poor form. Sky said that there is no concern about Varun Chakravarthy's form. Suryakumar Yadav clarified that Varun is the number one bowler in the world and Varun can win the match at any time.