ഗ്രൗണ്ടിൽ മാത്രമല്ല സ്കൂളിലെ പരീക്ഷ ഹാളിലും തരംഗമായി സഞ്ജു സാംസണിനെ പേര്. അഞ്ചാം ക്ലാസ് ഇംഗ്ലീഷ് പരീക്ഷ ചോദ്യപേപ്പറിലാണ് സഞ്ജു ഇടം നേടിയത്. വെള്ളിയാഴ്ച നടന്ന കേരള സിലബസ് പരീക്ഷയിൽ സഞ്ജുവിന്റെ പ്രൊഫൈൽ തയ്യാറാക്കാനായിരുന്നു ചോദ്യം ഉണ്ടായിരുന്നത്. ടി-20 ലോകകപ്പിൽ മിന്നും പ്രകടനം നടത്തി സഞ്ജു രാജ്യത്തിൻറെ ഹീറോയായി നിൽക്കുന്ന സമയത്ത് തന്നെ സഞ്ജു ചോദ്യ പേപ്പറിലും പ്രത്യക്ഷപ്പെട്ടിരിക്കുകയാണ്. 

 

ടി-20 ലോകകപ്പിൽ നാളെ നടക്കുന്ന ഫൈനൽ പോരാട്ടത്തിനായുള്ള തയ്യാറെടുപ്പിലാണ് സഞ്ജു സാംസൺ. ഫൈനലിൽ ന്യൂസിലാൻഡും ഇന്ത്യയുമാണ് നേർക്കുനേർ എത്തുന്നത്. സഞ്ജു സാംസണിന്റെ വെടിക്കെട്ട് പ്രകടനം കലാശപോരാട്ടത്തിലും ആവർത്തിക്കുമെന്നാണ് പ്രതീക്ഷിക്കുന്നത്.

ഈ ലോകകപ്പിൽ കളിച്ച നാല് ഇന്നിംഗ്സുകളിൽ നിന്നായി സഞ്ജു അടിച്ചുകൂട്ടിയത് 232 റൺസാണ്. വെസ്റ്റ് ഇൻഡീസിനെതിരെ നേടിയ പുറത്താകാതെയുള്ള 97 റൺസാണ് ടൂർണമെന്റിലെ സഞ്ജുവിന്റെ ഉയർന്ന സ്കോർ. സെമിയിൽ ഇംഗ്ലണ്ടിനെതിരെ  42 പന്തിൽ 89 റൺസാണ് സഞ്ജു നേടിയത്. ഏഴ് സിക്സും എട്ട് ഫോറുകളും അടങ്ങുന്നതായിരുന്നു മലയാളി താരത്തിന്റെ പ്രകടനം. 

അതേസമയം തുടർച്ചയായ രണ്ടാം ടി-20 കിരീടം ലക്ഷ്യമിട്ടായിരിക്കും സൂര്യകുമാർ യാദവും സംഘവും നാളെ കളത്തിൽ ഇറങ്ങുന്നത്. എന്നാൽ മറുഭാഗത്ത് ചരിത്രത്തിലെ ആദ്യ ടി-20 കിരീടം സ്വന്തമാക്കാമായിരിക്കും മിച്ചൽ സാന്റ്നറും സംഘവും ലക്ഷ്യം വെക്കുക. 

Sanju Samson's name has made waves not only on the field but also in the school examination hall. Sanju made it to the 5th class English exam question paper. The question in the Kerala syllabus exam held on Friday was to prepare a profile of Sanju. At a time when Sanju is the hero of the country after performing brilliantly in the T-20 World Cup, Sanju has also appeared in the question paper.