കൊട്ടിയം: വികലാംഗനെ വീട്ടില്‍ കയറി മര്‍ദിച്ച അച്ഛനെയും മകനെയും കൊട്ടിയം പൊലിസ് അറസ്റ്റ് ചെയ്തു.
ഇക്കഴിഞ്ഞ ആറിന് രാത്രിയിലായിരുന്നു സംഭവം. മുഖത്തല ചെന്താപ്പൂര് വിഷ്ണുവിലാസത്തില്‍ മുരളീധരനാണ് മര്‍ദനമേറ്റത്. ഇയാളുടെ രണ്ടു കാലുകളും തല്ലിയൊടിച്ചു. സംഭവവുമായി ബന്ധപ്പെട്ട് കണ്ണനല്ലൂര്‍ ചേരീക്കോണം ചാണിക്കല്‍ രാജു എന്ന രാജേന്ദ്രന്‍ (55), ഇയാളുടെ മകന്‍ വിഷ്ണു (22) എന്നിവരാണ് അറസ്റ്റിലായത്.
വസ്തു സംബന്ധമായ കേസില്‍ മുരളീധരനും രാജേന്ദ്രനും തമ്മില്‍ ശത്രുതയിലായിരുന്നു. പ്രതികളെ  കോടതി റിമാന്റ് ചെയ്തു.