ഒമാന്‍: രാജ്യത്ത് ഭിന്നശേഷിക്കാര്‍ക്ക് കൂടുതല്‍ തൊഴില്‍ അവസരങ്ങള്‍ ഒരുക്കുന്നതിന്റെ ഭാഗമായി 100 ജോലി ഒഴിവുകള്‍ പ്രഖ്യാപിച്ചു. ഒമാന്‍ തൊഴില്‍ മന്ത്രാലയമാണ് വിവിധ സര്‍ക്കാര്‍ സ്ഥാപനങ്ങളിലായി ഈ ഒഴിവുകള്‍ തുറന്നതായി അറിയിച്ചത്.

പ്രഖ്യാപിച്ച ഒഴിവുകളിലേക്ക് അപേക്ഷ സ്വീകരിക്കല്‍ ആരംഭിച്ചിട്ടുണ്ട്. നിശ്ചിത യോഗ്യതകള്‍ ഉള്ളവര്‍ക്ക് ഓണ്‍ലൈന്‍ സംവിധാനത്തിലൂടെ അപേക്ഷ സമര്‍പ്പിക്കാമെന്ന് തൊഴില്‍ മന്ത്രാലയം അറിയിച്ചു. അപേക്ഷകള്‍ പരിശോധിച്ച ശേഷമായിരിക്കും നിയമന നടപടികള്‍ പൂര്‍ത്തിയാക്കുക.

തൊഴില്‍ രംഗത്ത് ഭിന്നശേഷിയുള്ളവരുടെ പങ്കാളിത്തം വര്‍ധിപ്പിക്കാനും സമൂഹത്തിന്റെ മുഖ്യധാരയിലേക്ക് കൂടുതല്‍ ഉള്‍പ്പെടുത്താനും ലക്ഷ്യമിട്ടാണ് ഈ നടപടി സ്വീകരിച്ചതെന്ന് അധികൃതര്‍ വ്യക്തമാക്കി. ഭിന്നശേഷിക്കാര്‍ക്ക് തൊഴില്‍ അവസരങ്ങള്‍ വര്‍ധിപ്പിക്കാന്‍ സര്‍ക്കാര്‍ വിവിധ പദ്ധതികള്‍ നടപ്പിലാക്കി വരികയാണെന്നും തൊഴില്‍ മന്ത്രാലയം അറിയിച്ചു.

പ്രഖ്യാപിച്ച 100 ജോലി ഒഴിവുകള്‍ വഴി ഭിന്നശേഷിയുള്ളവര്‍ക്ക് സ്ഥിരതയുള്ള തൊഴില്‍ ലഭിക്കാനും അവരുടെ സാമ്പത്തിക സ്വയംപര്യാപ്തത ശക്തിപ്പെടാനും സഹായകരമാകുമെന്നുമാണ് പ്രതീക്ഷ.

Oman announces 100 job opportunities for people with disabilities as part of efforts to promote inclusive employment and increase participation in the country’s workforce.