വാഷിങ്ടണ്‍: നാറ്റോ സഖ്യം കടലാസ് പുലിയാണെന്നും അതില്‍ നിന്ന് യു.എസ് പിന്‍വാങ്ങുന്നത് സജീവമായി ആലോചിക്കുകയാണെന്നും യു.എസ് പ്രസിഡന്റ് ഡൊണാള്‍ഡ് ട്രംപ്. ദി ടെലഗ്രാഫിന് നല്‍കിയ അഭിമുഖത്തിലാണ് ട്രംപിന്റെ ഭീഷണി. ഇറാന്‍ യുദ്ധത്തില്‍ യു.എസിനെ സഹായിക്കാന്‍ ട്രംപ് നാറ്റോയുടെ സഹായം തേടിയിരുന്നു. അവര്‍ ആവശ്യം നിരസിച്ചതിനു പിന്നാലെ ആദ്യം അമേരിക്കക്ക് സഹായം നല്‍കാമെന്ന് പറഞ്ഞ പ്രമുഖ യൂറോപ്യന്‍ രാജ്യങ്ങളും നിലപാട് മാറ്റി. 

ALSO READ: സി.ഐ.എസ്.എഫ് കോൺസ്റ്റബിളിനെതിരായ നടപടി: ഹൈക്കോടതി വിധി ചോദ്യം ചെയ്ത കേന്ദ്രത്തിന് തിരിച്ചടി; പിഴ ചുമത്തി സുപ്രീം കോടതി

ഇറാനെ ആക്രമിക്കാന്‍ പോകുന്ന യു.എസ് വിമാനങ്ങള്‍ക്ക് വ്യോമപാതയും വ്യോമ താവളവും നിഷേധിച്ചതാണ് ട്രംപിനെ പ്രകോപിപ്പിച്ചത്. നിങ്ങളുടെ എണ്ണ ഹോര്‍മുസില്‍ പോയി എടുത്തോളൂ എന്നും യു.എസിന്റെ സഹായം ഇനി ഉണ്ടാകില്ല എന്നുമായിരുന്നു യൂറോപ്പിന് ട്രംപിന്റെ മറുപടി.