കൊച്ചി: എറണാകുളം കിഴക്കമ്പലത്തിനടുത്ത് മലയിടം തുരുത്തില്‍ സുപ്രിംകോടതി നിര്‍ദ്ദേശപ്രകാരം ഏഴു പട്ടികജാതി കുടുംബങ്ങളെ കുടിയൊഴിപ്പിക്കാനുള്ള നടപടികള്‍ക്കെതിരെയുള്ള പ്രതിഷേധം സംഘര്‍ഷത്തില്‍ കലാശിച്ചു. 

ഇന്ന് രാവിലെ മുതല്‍ നാട്ടുകാരുടെ പ്രതിഷേധമുണ്ടായിരുന്നു. അഭിഭാഷക കമ്മിഷന്‍ അഡ്വ. ജയപാലന്‍ സ്ഥലത്തെത്തി നടപടികള്‍ക്ക് ശ്രമിച്ചെങ്കിലും, നാട്ടുകാര്‍ സംഘടിച്ച് പ്രതിഷേധിച്ചതോടെ മുന്നോട്ടുപോകാനായില്ല. അതിനിടെ, പ്രതിഷേധക്കാരെ നീക്കം ചെയ്യാനുള്ള പൊലിസിന്റെ ശ്രമം സംഘര്‍ഷത്തിലേക്ക് വഴിവെക്കുകയായിരുന്നു. 

ഇത് 15ാം തവണയാണ് ഒഴിപ്പിക്കാനുള്ള ശ്രമം നടക്കുന്നത്. പ്രതിഷേധക്കാരിലൊരാള്‍ തലയില്‍ പെട്രോളൊഴിച്ച് ആത്മഹത്യാശ്രമം നടത്തിയതിന് പിന്നാലെ പൊലിസ് സമരപന്തലിലേക്ക് ജലപീരങ്കി പ്രയോഗിച്ചിരുന്നു. 

പ്രതിഷേധം വാര്‍ത്തയായതോടെ ആഭ്യന്തരമന്ത്രി രമേശ് ചെന്നിത്തല വിഷയത്തില്‍ നേരിട്ട് ഇടപെട്ടു. അടിയന്തരമായി നടപടികള്‍ നിര്‍ത്തിവെക്കണമെന്ന് ചെന്നിത്തല ആവശ്യപ്പെട്ടു. ഇതോടെ പൊലിസ് സ്ഥലത്തുനിന്ന് പിന്‍വാങ്ങി. 

ഏതാണ്ട് 60 വര്‍ഷത്തോളം പഴക്കമുള്ള ഭൂമി തര്‍ക്കക്കേസില്‍ നാല് വര്‍ഷം മുമ്പാണ് സുപ്രിംകോടതി വിധി പുറപ്പെടുവിച്ചത്. ഏഴ് പട്ടികജാതി കുടുംബങ്ങളാണ് കുടിയൊഴിപ്പിക്കല്‍ ഭീഷണിയിലുള്ളത്.

Tensions erupted during an eviction drive at Malayidamthuruthu as protests led to clashes between residents and authorities. Following the unrest, the state Home Minister reportedly directed officials to temporarily halt the eviction proceedings. The incident has sparked renewed discussions over rehabilitation measures and the handling of displacement-related issues in the region.