കോഴിക്കോട്: വയനാട് പുനരധിവാസ ഫണ്ടിന്റെ കണക്കുകള്‍ പുറത്തുവിട്ട് കോണ്‍ഗ്രസ്. കെ.പി.സി.സി പ്രസിഡന്റ് സണ്ണി ജോസഫാണ് ഫണ്ടിന്റെ വിവരങ്ങള്‍ പുറത്തുവിട്ടത്. 

ആകെ 5,38,21,632 രൂപയാണ് ലഭിച്ചത്.തന്റെയും പ്രതിപക്ഷ നേതാവ് വി.ഡി സതീശന്റെയും ജോയിന്റ് അക്കൗണ്ടിലാണ് ഈ തുക ലഭിച്ചത്. യൂത്ത് കോണ്‍ഗ്രസ് 1.05 കോടി രൂപ പിരിച്ചുനല്‍കി. എന്നാല്‍ ഭൂമി വാങ്ങാന്‍ ഇതിലധികം തുക ചെലവായെന്നും ഇനി വീട് നിര്‍മിക്കാനായി ഫണ്ട് പിരിക്കില്ലെന്നും പാര്‍ട്ടി ഫണ്ടില്‍ നിന്ന് പണം ചെലവഴിക്കുമെന്നും അദ്ദേഹം പറഞ്ഞു. 

വീട് നിര്‍മാണത്തിനായി ആദ്യഘട്ടത്തില്‍ മൂന്നേക്കര്‍ ഇരുപത്തി നാലര സെന്റ് ഭൂമിയാണ് വാങ്ങിയത്. ഇതിനായി രജിസ്ട്രേഷന്‍ ഉള്‍പ്പെടെ 3,68,36.388 രൂപ ചെലവായി. കൂടാതെ ഇതിന്റെ ആപ്പ് നിര്‍മാണത്തിനായി കെ സുധാകരന്‍ കെ.പി.സി.സി പ്രസിഡന്റായിരിക്കെ 9,30,000 രൂപ ചെലവഴിച്ചു. രണ്ടാംഘട്ടത്തില്‍ 2,50,30,272 രൂപ ചെലവിട്ട് രണ്ട് ഏക്കര്‍ പതിനെട്ട് സെന്റ് ഭൂമി വാങ്ങി. ഇതിനായി കെ.പി.സി.സിയുടെ തനത് ഫണ്ടില്‍ നിന്ന് 97,51,212രൂപ അധികമായി ചെലവിട്ടു. ഇനി ഭൂമി വാങ്ങുന്നതിനും മറ്റുമായി 73,90,985 രൂപയിലേറെ ആവശ്യമാണെന്നും സണ്ണി ജോസഫ് പറഞ്ഞു. 

വീട് നിര്‍മണാണത്തിനായി ഇനിയും പണം പിരിക്കില്ലെന്നും പാര്‍ട്ടിയുടെ ഫണ്ടില്‍ നിന്നും പണം കണ്ടെത്തുമെന്നും അദ്ദേഹം കൂട്ടിച്ചേര്‍ത്തു. 

ചൂരല്‍മല-മുണ്ടക്കൈ പുനരധിവാസത്തിനായി കോണ്‍ഗ്രസ് സമാഹരിച്ച ഫണ്ടിന്റെ കണക്ക് പുറത്തുവിടാന്‍ സി.പി. എം നേതാക്കള്‍ നേരത്തെ വെല്ലുവിളിച്ചിരുന്നു. വയനാട് ഫണ്ട് കോണ്‍ഗ്രസ് തെരഞ്ഞെടുപ്പ് പ്രചാരണത്തിലേക്ക് വഴിമാറ്റിയെന്നും ഡി.വൈ.എഫ്.ഐ നേതാവ് എ.എ. റഹീം ഉള്‍പ്പെടെ ആരോപിച്ചിരുന്നു.

Indian National Congress has issued a clarification regarding the Wayanad fund collection controversy, stating that although ₹5.38 crore was raised, the cost of purchasing land exceeded this amount. The party explained that additional expenses were incurred beyond the collected funds, addressing concerns and criticism surrounding the financial transparency of the initiative.