അബുദാബി: യു.എ.ഇയുടെ വിവിധ ഭാഗങ്ങളില്‍ ഇന്ന് (വ്യാഴാഴ്ച) മുതല്‍ തിങ്കളാഴ്ച വരെ മഴ ലഭിക്കാന്‍ സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം (എന്‍.സി.എം) മുന്നറിയിപ്പ് നല്‍കി. രാജ്യത്തെ പല പ്രദേശങ്ങളിലും അസ്ഥിരമായ കാലാവസ്ഥയ്ക്കാണ് സാധ്യതയെന്നും അറിയിപ്പില്‍ പറയുന്നു.
ഇന്ന് രാവിലെ മുതല്‍ രാജ്യത്തിന്റെ വിവിധ ഭാഗങ്ങളില്‍ ഇടവിട്ട് മഴ ലഭിക്കുമെന്നാണ് പുതിയ റിപ്പോര്‍ട്ടുകള്‍ വ്യക്തമാക്കുന്നത്. മിക്കയിടങ്ങളിലും നേരിയതോ മിതമായതോ ആയ മഴയ്ക്കാണ് സാധ്യതയെങ്കിലും, ചില പ്രദേശങ്ങളില്‍ ഇത് ശക്തമാകാനും ഇടയുണ്ട്. 
വരും ദിവസങ്ങളില്‍ കൂടുതല്‍ മേഘങ്ങള്‍ രൂപപ്പെടുന്നതിനാല്‍ കാലാവസ്ഥയില്‍ കാര്യമായ മാറ്റങ്ങള്‍ ഉണ്ടാകുമെന്നും എന്‍.സി.എം കൂട്ടിച്ചേര്‍ത്തു.
രാജ്യത്തുടനീളം കാലാവസ്ഥ പെട്ടെന്ന് മാറാന്‍ സാധ്യതയുള്ളതിനാല്‍, പ്രത്യേകിച്ച് ശക്തമായ മഴ ലഭിക്കാന്‍ സാധ്യതയുള്ള പ്രദേശങ്ങളില്‍ ഉള്ളവര്‍ കൂടുതല്‍ ജാഗ്രത പാലിക്കണമെന്ന് അധികൃതര്‍ നിര്‍ദ്ദേശിച്ചിട്ടുണ്ട്.

English Summary: UAE National Centre of Meteorology (NCM) has forecast scattered rainfall across the UAE from early tomorrow until Monday, as unsettled weather is expected in several areas. NCM said rain is likely to fall at intervals from today morning, affecting various parts of the country. Most of the rainfall is expected to be light to moderate, although it could turn heavy at times in some areas.