കണ്ണൂര്‍: യു.ഡി.എഫ് സ്വതന്ത്ര സ്ഥാനാര്‍ഥി വി കുഞ്ഞികൃഷ്ണനെ അനുകൂലിച്ച സി.പി.എം പ്രവര്‍ത്തകന്റെ വീടിന് നേരെ ആക്രമണം. പയ്യന്നൂരില്‍ ടി പുരുഷോത്തമന്റെ വീടിനു നേരെയാണ് ആക്രമണമുണ്ടായത്. വീടിനു മുന്നില്‍ നിര്‍ത്തിയിട്ടിരുന്ന കാറിന് തീയിടുകയും ചെയ്യും. 

വീടിന്റെ ഗ്ലാസ് ജനലുകളും തകര്‍ത്തിട്ടുണ്ട്. സംഭവത്തിന് പിന്നില്‍ സി.പി.എം പ്രവര്‍ത്തകരെന്നാണ് ടി പുരുഷോത്തമന്‍ പറയുന്നത്.

ഇന്നലെ രാത്രി ഒരുമണിയോടെയാണ് വീടിന് നേരെ ആക്രമണം ഉണ്ടായത്. വീടിന്റെ ജനല്‍ എറിഞ്ഞുതകര്‍ക്കുകയും കാറിന് തീയിടുകയുമായിരുന്നു.ജനല്‍ തകരുന്ന ശബ്ദം കേട്ട് എഴുന്നേറ്റപ്പോഴാണ് തീ ആളിക്കത്തുന്നത് കണ്ടത്. 

തെരഞ്ഞെടുപ്പില്‍ പുരുഷോത്തമന്‍  വി കുഞ്ഞികൃഷ്ണനൊപ്പമാണ് പ്രവര്‍ത്തിച്ചിരുന്നത്. നേരത്തെ കുഞ്ഞികൃഷ്ണന്റെ അനുകൂലിയായിരുന്ന പ്രസന്നന്റെ ബൈക്ക് നേരത്തെ തീ വെച്ച് നശിപ്പിച്ചിരുന്നു. ഫണ്ട് വിവാദത്തില്‍ പ്രസന്നന്‍ കുഞ്ഞികൃഷ്ണനെ അനുകൂലിച്ചതിന് പിന്നാലെയായിരുന്നു ഇത്. 

In a shocking incident in Payyannur, the house of a CPM worker who supported V. Kunjikrishnan was attacked by unidentified individuals. During the attack, a car parked at the premises was set on fire, causing significant damage. The incident has heightened political tensions in the area, with police launching an investigation to identify those responsible and restore law and order.