കോട്ടയം: ബി.ജെ.പി സംസ്ഥാന ഉപാധ്യക്ഷന്‍ ഷോണ്‍ ജോര്‍ജിന് പിന്നാലെ കത്തോലിക്ക സഭാ നേതൃത്വത്തിനെതിരെ അധിക്ഷേപ പരാമര്‍ശവുമായി പി.സി ജോര്‍ജ്. മെത്രാന്‍മാര്‍ക്കെതിരെയാണ് പി.സി ജോര്‍ജ് അധിക്ഷേപ പരാമര്‍ശം നടത്തിയത്. ചില മെത്രാന്മാര്‍ യു.ഡി.എഫുകാരാണെന്നും യു.ഡി.എഫിന് വേണ്ടി ഇവര്‍ കുരക്കുകയാണെന്നും പി.സി ജോര്‍ജ് പറഞ്ഞു. 

മെത്രാന്‍മാര്‍ രാഷ്ട്രീയം പറഞ്ഞാല്‍ രാഷ്ട്രീയമായി തന്നെ നേരിടും. ഒരു ബഹുമാനവും കാണിക്കില്ലെന്നും പി.സി ജോര്‍ജ് പറഞ്ഞു. 

തെരഞ്ഞെടുപ്പില്‍ യു.ഡി.എഫിന് വോട്ട് ചെയ്യണമെന്ന് കാഞ്ഞിരപ്പള്ളി ബിഷപ്പ് മഠങ്ങളില്‍ വിളിച്ചുപറഞ്ഞു. കാണിച്ചത് മര്യാദയാണോ? അത് പറയാന്‍ അയാള്‍ക്ക് എന്താണ് അവകാശം. ഞങ്ങളെ വേണ്ടാത്തവരെ ഞങ്ങള്‍ക്കും വേണ്ട. സഭയായാലും എന്തായാലും വിദേശത്ത് നിന്ന് പണം വന്നാല്‍ കണക്ക് കാണിക്കണമെന്നും പി.സി ജോര്‍ജ് പറഞ്ഞു.  

''പൂഞ്ഞാറില്‍ നില്‍ക്കുന്ന മൂന്ന് സ്ഥാനാര്‍ത്ഥികളില്‍ മറ്റുള്ളവരെക്കൊണ്ട് എന്ത് ഗുണമുണ്ടായി? പൂഞ്ഞാറില്‍ നില്‍ക്കുന്ന സ്ഥാനാര്‍ഥികളില്‍ സഭയ്ക്ക് എന്തെങ്കിലും ഗുണം ചെയ്തിട്ടുണ്ടെങ്കില്‍ അത് ഞാനാണ്. എന്ത് കിട്ടിയിട്ടാണ് നാണംകെട്ടവര്‍ യു.ഡി.എഫിന് വോട്ട് ചെയ്യണമെന്ന് പറയുന്നത്.
കത്തോലിക്കാ സഭാ മുഖപത്രം ഒരു പത്രമാണോ?. ആ പത്രം, അത് വായിക്കുന്നവന് വട്ടാണെന്നും പി.സി ജോര്‍ജ് പരിഹസിച്ചു. എഫ്.സി.ആര്‍.എ ബില്ല് വരുമെന്നും എതിര്‍ക്കുന്നവര്‍ക്ക് വീട്ടില്‍ പോകാമെന്നും ജോര്‍ജ് കൂട്ടിച്ചേര്‍ത്തു. 

Kerala politician P. C. George has sparked controversy with his remarks against bishops, accusing them of inappropriate conduct and warning of strong political opposition if they engage in politics. His statements have drawn sharp reactions from various quarters, intensifying the ongoing debate between religious leadership and political figures in the state.