ദുബൈ: അടുത്തിടെയുണ്ടായ തടസ്സങ്ങളെത്തുടർന്ന് നിർത്തിവെച്ചിരുന്ന വിമാന സർവീസുകൾ പുനരാരംഭിച്ച് എയർ അറേബ്യ. ഷാർജ, അബുദബി, റാസൽഖൈമ എന്നിവിടങ്ങളിൽ നിന്നായി 17 രാജ്യങ്ങളിലെ 49 അന്താരാഷ്ട്ര ലക്ഷ്യസ്ഥാനങ്ങളിലേക്കാണ് സർവീസുകൾ ഘട്ടംഘട്ടമായി പുനഃസ്ഥാപിക്കുന്നത്. പ്രവർത്തനപരമായ അനുമതികൾക്ക് വിധേയമായി വിമാനങ്ങൾ നിശ്ചിത ഷെഡ്യൂൾ പ്രകാരം സർവീസ് നടത്തുമെന്ന് എയർലൈൻ അധികൃതർ വ്യക്തമാക്കി.

ഇന്ത്യ, പാകിസ്ഥാൻ, സഊദി, ഈജിപ്ത് തുടങ്ങി ഏഷ്യ, ആഫ്രിക്ക, യൂറോപ്പ്, മിഡിൽ ഈസ്റ്റ് മേഖലകളിലെ പ്രധാന രാജ്യങ്ങളിലേക്കെല്ലാം സർവീസുകൾ ലഭ്യമാകും. യാത്രക്കാർക്ക് എയർ അറേബ്യയുടെ വെബ്‌സൈറ്റ്, മൊബൈൽ ആപ്പ് അല്ലെങ്കിൽ ട്രാവൽ ഏജന്റുമാർ വഴി ടിക്കറ്റുകൾ ബുക്ക് ചെയ്യാവുന്നതാണ്.

ALSO READ: യുഎഇയുടെ ആകാശക്കരുത്തിന് അടിത്തറയിട്ട നായകൻ; മേജർ ജനറൽ ഖാലിദ് അൽ ബുഐനിന്റെ വിസ്മയിപ്പിക്കുന്ന കരിയർ

യാത്രക്കാർക്കുള്ള ഇളവുകൾ

വിമാനങ്ങൾ റദ്ദാക്കിയതുമൂലം ബുദ്ധിമുട്ടിയ യാത്രക്കാർക്കായി പ്രത്യേക ആനുകൂല്യങ്ങളും എയർലൈൻ പ്രഖ്യാപിച്ചിട്ടുണ്ട്:

• യാത്രക്കാർക്ക് 30 ദിവസത്തിനുള്ളിൽ ഒരു തവണ സൗജന്യമായി യാത്രാ തീയതി മാറ്റാം.
• ടിക്കറ്റ് തുകയ്ക്ക് തുല്യമായ ക്രെഡിറ്റ് വൗച്ചറോ അല്ലെങ്കിൽ തുക പൂർണ്ണമായി റീഫണ്ടായോ കൈപ്പറ്റാൻ അവസരമുണ്ടാകും.
• മുമ്പ് ബുക്ക് ചെയ്തവർക്ക് ടിക്കറ്റ് മാറ്റത്തിനുള്ള സൗകര്യവും ലഭ്യമാണ്.

നിലവിലെ സാഹചര്യം വിലയിരുത്തി കൂടുതൽ ലക്ഷ്യസ്ഥാനങ്ങളിലേക്ക് വരും ദിവസങ്ങളിൽ സർവീസുകൾ വ്യാപിപ്പിക്കാനാണ് എയർലൈൻ ലക്ഷ്യമിടുന്നത്. വിമാനങ്ങൾ റദ്ദാക്കപ്പെട്ടവർക്ക് അവ പുനഃക്രമീകരിക്കുന്നതിനോ റീഫണ്ട് നേടുന്നതിനോ ഉള്ള നടപടികൾ എളുപ്പമാക്കുമെന്നും എയർ അറേബ്യ അറിയിച്ചു.

Air Arabia resumes flight services bringing relief to passengers, with operations expanding to 49 destinations, enhancing connectivity and travel options while supporting tourism and business travel across key regional and international routes after recent disruptions.