ന്യൂഡല്‍ഹി: വ്യാഴാഴ്ച ആരംഭിക്കുന്ന പാര്‍ലമെന്റ് സമ്മേളനത്തില്‍ വനിതാ സംവരണ ഭേദഗതി ബില്‍ യാഥാര്‍ഥ്യമാകുമെന്ന് പ്രധാനമന്ത്രി നരേന്ദ്ര മോദി. ബില്ലിലൂടെ രാജ്യം പുതിയൊരു ചരിത്രമെഴുതാന്‍ ഒരുങ്ങുകയാണെന്നും പ്രധാനമന്ത്രി കൂട്ടിച്ചേര്‍ത്തു. ഡല്‍ഹിയില്‍ നടന്ന നാരീശക്തി വന്ദന്‍ സമ്മേളനത്തില്‍ സംസാരിക്കുകയായിരുന്നു മോദി.

വനിതാ സംവരണ ബില്ല് ഇരുപത്തിയൊന്നാം നൂറ്റാണ്ടിലെ പ്രധാനപ്പെട്ട തീരുമാനമാണെന്ന് പറഞ്ഞ പ്രധാനമന്ത്രി നാരി ശക്തിക്കായി ചരിത്രപരമായ നീക്കം സമര്‍പ്പിക്കുന്നുവെന്നും കൂട്ടിച്ചേര്‍ത്തു. 

അതേസമയം ബില്ലിനെതിരെ രൂക്ഷ വിമര്‍ശനം ഉയരുന്നുണ്ട്. പ്രത്യേക പാര്‍ലമെന്റ് സമ്മേളനത്തിന്റെ യഥാര്‍ഥ ലക്ഷ്യം വനിതാ സംവരണ ഭേദഗതി ബില്ലല്ലെന്നും ജാതി സെന്‍സസ് വൈകിപ്പിക്കലാണെന്നും കോണ്‍ഗ്രസ് പാര്‍ലമെന്ററി പാര്‍ട്ടി അധ്യക്ഷ സോണിയ ഗാന്ധി ചൂണ്ടിക്കാട്ടി. ദ ഹിന്ദു പത്രത്തില്‍ എഴുതിയ ലേഖനത്തിലാണ് വിമര്‍ശനം.  സര്‍ക്കാരിന്റെ മണ്ഡല പുനര്‍നിര്‍ണയ പദ്ധതി അതീവ അപകടകരമാണെന്നാണ് നിലവില്‍ പുറത്തുവരുന്ന അനൗദ്യോഗിക വിവരങ്ങള്‍  കാണിക്കുന്നത്. ഇത് ഭരണഘടനയ്ക്ക് മേലുള്ള നേരിട്ടുള്ള കടന്നുകയറ്റമാണ്- സോണിയ ഗാന്ധി ആരോപിച്ചു.

ALSO READ: നിതിന്‍ രാജിന്റെ മരണം: അന്വേഷണത്തിന് ഉത്തരവിട്ട് ദേശീയ പട്ടികജാതി കമ്മീഷന്‍ 

തമിഴ്‌നാട്, പശ്ചിമ ബംഗാള്‍ നിയമസഭാ ത്വരഞ്ഞെടുപ്പ് പ്രചാരണ സമയത്ത് ഇത്തരമൊരു സമ്മേളനം വിളിച്ചുചേര്‍ക്കുന്നത് രാഷ്ട്രീയ നേട്ടത്തിനാണെന്നും അവര്‍ വിമര്‍ശനമുയര്‍ത്തി. 

രാഷ്ട്രീയമായ തുല്യത പാലിച്ചാണ് ലോക്‌സഭ മണ്ഡലങ്ങളുടെ എണ്ണം വര്‍ധിപ്പിക്കേണ്ടതെന്ന് ചൂണ്ടിക്കാട്ടിയ അവര്‍  കുടുംബാസൂത്രണം വിജയകരമായി നടപ്പാക്കിയവര്‍ക്കും ചെറിയ സംസ്ഥാനങ്ങള്‍ക്കും ദോഷകരമായ തരത്തിലാവരുതെന്നും കൂട്ടിച്ചേര്‍ത്തു. മണ്ഡലങ്ങളുടെ ആനുപാതിക വര്‍ധനവ് അവര്‍ക്കുള്ള സ്വാധീനം നഷ്ടപ്പെടുത്താനിടയാക്കുമെന്നും  അവര്‍ പറഞ്ഞു.

the women’s reservation bill has triggered a sharp political exchange, with Narendra Modi calling it a historic step, while Sonia Gandhi alleged that its real intent is to delay the caste census. the debate reflects broader tensions over representation, electoral strategy, and social justice in india.