മുംബൈ: സംഗീതപരിപാടിക്കിടെ അമിതമായ അളവില്‍ ലഹരിമരുന്ന് ഉപയോഗിച്ച് രണ്ട് എം.ബി.എ വിദ്യാര്‍ഥികള്‍ മരിച്ചു. ഏപ്രില്‍ 11 ന് രാത്രിയിലാണ് സംഭവം.ഗോരേഗാവിലെ നെസ്‌കോ സെന്ററില്‍ നടന്ന സംഗീത പരിപാടിയില്‍ പങ്കെടുക്കാനെത്തിയവരാണ് മരിച്ചത്. 24 കാരിയായ സ്ത്രീയും 28 വയസ്സുള്ള പുരുഷനുമാണ് മരിച്ചത്. 25 വയസുകാരിയായ മറ്റൊരു വിദ്യാര്‍ഥിനിയുടെ നില ഗുരുതരമാണ്. 

ഇവര്‍ നിരോധിത മരുന്നായ എം.ഡി.എം.എ ഉപയോഗിച്ചതായി പൊലിസ് വൃത്തങ്ങള്‍ പറഞ്ഞു.

പുലര്‍ച്ചെ 12:00 ഓടെ, മൂന്ന് വിദ്യാര്‍ത്ഥികള്‍ക്കും ശ്വാസതടസ്സം അനുഭവപ്പെടുകയായിരുന്നു. ഉടനെ അവരെ അടുത്തുള്ള ആശുപത്രിയിലെത്തിച്ചു. എന്നാല്‍ രണ്ട് പേരുടെ ജീവന്‍ രക്ഷിക്കാനായില്ല. ഇവര്‍ സംഗീത പരിപാടിയില്‍ പങ്കെടുക്കാനെത്തുന്നതിന് മുന്‍പ് തന്നെ ലഹരിമരുന്ന് ഉപയോഗിച്ചിരുന്നുവെന്നാണ് പൊലിസ് പറയുന്നു. പരിപാടിയിലെത്തിയതിനുശേഷവും ഇവര്‍ ലഹരി ഉപയോഗിച്ചു. മരുന്ന് അമിതമായി ശരീരത്തിലെത്തിയതാണ് മരണകാരണമെന്നും പൊലിസ് പറഞ്ഞു. 

ഏകദേശം നാലായിരത്തോളം പേരാണ് സംഗീതപരിപാടിയില്‍ പങ്കെടുത്തത്. രണ്ടായിരം രൂപയായിരുന്നു പ്രവേശനഫീസ് . അതേസമയം, വിദ്യാര്‍ഥികള്‍ക്ക് ലഹരിമരുന്ന് വിതരണം ചെയ്തയാളെ അറസ്റ്റ് ചെയ്തതായി പൊലിസ് അറിയിച്ചു. ഇയാളില്‍ നിന്ന് ലഹരിമരുന്നും പിടിച്ചെടുത്തിട്ടുണ്ട്. മുംബൈയ്ക്ക് പുറത്തുനിന്നാണ് മയക്കുമരുന്ന് എത്തിച്ചതെന്നാണ് വിവരം. 

സംഭവവുമായി ബന്ധപ്പെട്ട് ഇവന്റ് സംഘാടകന്‍ വിഹാന്‍ എന്ന ആകാശ് സമല്‍, നെസ്‌കോ ഇവന്റ് ഓര്‍ഗനൈസേഷന്‍ ആന്‍ഡ് മാനേജ്‌മെന്റിലെ സണ്ണി വിനോദ് ജെയിന്‍, സുരക്ഷാ സംഘത്തിലെ അംഗമായ ബാലകൃഷ്ണന്‍ ബലറാം എന്നിവരെയും പൊലിസ് കസ്റ്റഡിയിലെടുത്തിട്ടുണ്ട്.

A tragic incident occurred in Mumbai where two MBA students lost their lives due to suspected excessive substance use during a music event. The incident took place amid a concert, raising serious concerns about drug abuse and safety measures at such gatherings.