ന്യൂഡല്‍ഹി: ബി.ജെ.പി നേതാവ് സാമ്രാട്ട് ചൗധരി ബിഹാര്‍ മുഖ്യമന്ത്രിയാകും.നാളെ സത്യപ്രതിജ്ഞ ചെയ്ത് അദ്ദേഹം അധികാരമേല്‍ക്കും. 57 കാരനായ ചൗധരി ബിഹാറിലെ ഒ.ബി.സി സമുദായമായ കൊയേരി അല്ലെങ്കില്‍ കുശ്വാഹ ജാതിയില്‍ പെട്ടയാളാണ്. ഈ ജാതിയില്‍ നിന്നുള്ളയാള്‍തന്നെ മുഖ്യമന്ത്രിയാവണമെന്ന് ജെ.ഡി.യു ബി.ജെ.പിയോട് ആവശ്യപ്പെട്ടിരുന്നു. 

ബി.ജെ.പി എം.എല്‍.എമാരില്‍ ഭൂരിപക്ഷത്തിനും ചൗധരിയെ മുഖ്യമന്ത്രിയാക്കുന്നതിനോടാണ് താല്‍പര്യം. എന്നാല്‍, സംസ്ഥാന ബി.ജെ.പി അധ്യക്ഷന്‍ ദിപീപ് കുമാര്‍ ജയ്‌സ്വാള്‍ ഉള്‍പ്പെടെയുള്ള നേതാക്കള്‍ക്ക് സമ്രാട്ട് ചൗധരിയോട് താല്‍പര്യമില്ല. ബി.ജെ.പി ദേശീയ അധ്യക്ഷനായ നിതിന്‍ നബിനും ചൗധരിയെ മുഖ്യമന്ത്രിയാക്കുന്നതില്‍ താല്‍പര്യമില്ലെന്നാണ് വിവരം. ഇതോടെയാണ് മുഖ്യമന്ത്രിയുടെ കാര്യത്തില്‍ ബി.ജെ.പിക്കുള്ളില്‍ തീരുമാനം വൈകിയത്. 

ALSO READ: ബിഹാർ മുഖ്യമന്ത്രി നിതീഷ് കുമാർ രാജിവെച്ചു

നിതീഷ് കുമാര്‍ രാജ്യസഭാംഗമായി തെരഞ്ഞെടുക്കപ്പെട്ടതോടെയാണ് ബിഹാറില്‍ അധികാരമാറ്റത്തിന് കളമൊരുങ്ങിയത്. നിതീഷ് പിന്‍വാങ്ങിയതോടെ സംസ്ഥാനത്ത് ആദ്യ ബി.ജെ.പി മുഖ്യമന്ത്രി അധികാരമേല്‍ക്കും.

കഴിഞ്ഞ 21 വര്‍ഷമായി ബിഹാര്‍ മുഖ്യമന്ത്രിപദത്തില്‍ തുടരുന്ന ജെ.ഡി.യു നേതാവ് നിതീഷ് കുമാര്‍ ഇന്ന് രാജിവെച്ചികരുന്നു. ഇന്ന് രാവിലെ ചേര്‍ന്ന അവസാനമന്ത്രിസഭാ യോഗത്തിന് ശേഷം ഗവര്‍ണര്‍ ലഫ്റ്റനന്റ് ജനറല്‍ (റിട്ട.)സയ്യിദ് അതാ ഹസ്‌നൈനെ നേരില്‍ കണ്ടാണ് അദ്ദേഹം രാജി സമര്‍പ്പിച്ചത്. 

താന്‍ ബിഹാര്‍ വിട്ടുപോകില്ലെന്നും ബിഹാറിന്റെ മാര്‍ഗദര്‍ശിയായി തുടരുമെന്നും രാജിക്ക് പിന്നാലെ നിതീഷ് കുമാര്‍ പറഞ്ഞു. പുതിയ സര്‍ക്കാരിന് തന്റെ എല്ലാവിധ സഹകരണവുമുണ്ടാകുമെന്നും അദ്ദേഹം പറഞ്ഞു. 

അതേസമയം, നിതീഷ് കുമാറിന്റെ മകന്‍ നിശാന്ത് കുമാര്‍ മന്ത്രിസഭയുടെ ഭാഗമാകില്ലെന്നാണി റിപ്പോര്‍ട്ട്‌.

Samrat Chaudhary is set to take oath as the Chief Minister of Bihar tomorrow, marking a significant political development in the state. The swearing-in ceremony is expected to draw attention as the new leadership prepares to take charge. This transition signals a new phase in Bihar’s governance and political landscape.