കൊച്ചി: കലൂരില്‍ പെണ്‍കുട്ടികളെ ആക്രമിച്ച സംഭവത്തില്‍ മൂന്ന് പേര്‍ പിടിയില്‍. പാലക്കാട് മണ്ണാര്‍ക്കാട് സ്വദേശികളായ ആല്‍വിന്‍, അരുണ്‍, സാബിത്ത് എന്നിവരാണ് പിടിയിലായത്. ഒന്നാംപ്രതിയായ അക്ബര്‍ അലിയെ പിടികൂടാനുണ്ട്. കലൂര്‍ ഭാഗത്തു നിന്നുതന്നെയാണ് പ്രതികളെ പിടികൂടിയത്. റോഡിലൂടെ നടന്നുപോയപ്പോള്‍ കമന്റടിച്ചത് ചോദ്യം ചെയ്ത പെണ്‍കുട്ടികള്‍ക്ക് നേരെയാണ് 11 പേരടങ്ങുന്ന സംഘം ആക്രമണം നടത്തിയത്. 

ഇന്ന് പുലര്‍ച്ചെ നാലരയോടെയാണ് സംഭവം നടന്നത്. വഴിയിലൂടെ നടന്നു പോവുകയായിരുന്ന യുവതികളെ അധിക്ഷേപിച്ചത് ചോദ്യം ചെയ്തതിനാണ് ഒരു സംഘം ആളുകള്‍ ചേര്‍ന്ന് ഇവരെ ക്രൂരമായി മര്‍ദിച്ചത്. പരുക്കേറ്റ പെണ്‍കുട്ടികളില്‍ ഒരാളെ ഗുരുതരാവസ്ഥയില്‍ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. 

പുലര്‍ച്ചെ താമസസ്ഥലത്തേക്ക് നടന്നു പോവുകയായിരുന്ന പെണ്‍കുട്ടികളെ വഴിയില്‍ തമ്പടിച്ചിരുന്ന സംഘം തടഞ്ഞു നിര്‍ത്തുകയും ലൈംഗികമായി അധിക്ഷേപിക്കുകയുമായിരുന്നു. ഇത് ചോദ്യം ചെയ്യാനും ദൃശ്യങ്ങള്‍ മൊബൈല്‍ ഫോണില്‍ പകര്‍ത്താനും ശ്രമിച്ചതോടെ അക്രമിസംഘം യുവതിയുടെ കൈ തിരിച്ചു പിടിച്ച് ഫോണ്‍ തട്ടിയെടുത്ത് നിലത്തടിച്ചുടച്ചു.

തുടര്‍ന്ന് യുവതിയെ റോഡിലേക്ക് തള്ളിയിട്ട് നെഞ്ചിലും വയറിലും ബൂട്‌സ് ധരിച്ച കാലുകള്‍ കൊണ്ട് ക്രൂരമായി ചവിട്ടി പരുക്കേല്‍പ്പിക്കുകയായിരുന്നുവെന്ന് പരാതിയില്‍ പറയുന്നു.

Police have detained three individuals in connection with the alleged attack on girls in Kaloor. The incident, which triggered concern among local residents and renewed discussions about public safety, is currently under investigation. Authorities are questioning the suspects and collecting evidence to determine the sequence of events and the motive behind the attack