റിയാദ്: സഊദി അറേബ്യയിലെ ഒട്ടുമിക്ക പ്രദേശങ്ങളിലും ഇന്ന് മുതല്‍ ശനിയാഴ്ച വരെ ശക്തമായ കാറ്റിനും പൊടിക്കാറ്റിനും സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (എന്‍.സി.എം) മുന്നറിയിപ്പ് നല്‍കി. സഊദി ന്യൂമെറിക്കല്‍ വെതര്‍ മോഡലിന്റെ വിവരങ്ങളുടെ അടിസ്ഥാനത്തിലാണ് പുതിയ മുന്നറിയിപ്പ്. ഈ ദിവസങ്ങളില്‍ പൊടിക്കാറ്റിന്റെയും ഉയര്‍ന്ന തിരമാലകളുടെയും ദിശയും തീവ്രതയും വ്യക്തമാക്കുന്ന ആനിമേറ്റഡ് മാപ്പും കാലാവസ്ഥാ കേന്ദ്രം പുറത്തുവിട്ടിട്ടുണ്ട്.
മുന്നറിയിപ്പ് പ്രകാരം പകല്‍ സമയങ്ങളില്‍ തബൂക്ക്, മദീന, മക്ക, ജിസാന്‍ എന്നീ പ്രദേശങ്ങളില്‍ ശക്തമായ പൊടിക്കാറ്റ് വീശാന്‍ സാധ്യതയുണ്ട്. ഇതിനൊപ്പം തീരപ്രദേശങ്ങളില്‍ ഉയര്‍ന്ന തിരമാലകള്‍ക്കും സാധ്യതയുണ്ടെന്നും റിപ്പോര്‍ട്ടില്‍ പറയുന്നു. 
ശനിയാഴ്ചയോടെ അല്‍ജൗഫ്, വടക്കന്‍ അതിര്‍ത്തി പ്രദേശങ്ങള്‍, ഹാഇല്‍ എന്നിവിടങ്ങളിലേക്കും ശക്തമായ കാറ്റ് വ്യാപിക്കും. അതേസമയം ഖസീം, റിയാദ്, കിഴക്കന്‍ പ്രവിശ്യ, നജ്‌റാന്‍ എന്നീ പ്രദേശങ്ങളിലെ ചില ഭാഗങ്ങളില്‍ മാത്രമേ കാറ്റ് അനുഭവപ്പെടുകയുള്ളൂവെന്നും ദേശീയ കാലാവസ്ഥാ കേന്ദ്രം വ്യക്തമാക്കിയിട്ടുണ്ട്.

Summary: The National Center for Meteorology (NCM) has forecast high winds that will stir up dust and sand in most regions of the Kingdom beginning Thursday and continuing through Saturday.
The forecast is based on outputs from the Saudi numerical weather model, with the NCM releasing an animated map illustrating the expected movement and frequency of dust/sand and high waves during the period.