വാഷിങ്ടണ്‍: യു.എസ് പ്രസിഡന്റ് ഡൊണാള്‍ഡ് ട്രംപ് പങ്കെടുത്ത അത്താഴവിരുന്നിനിടെയുണ്ടായ വെടിവെപ്പിനെ അപലപിച്ച് ഇന്ത്യന്‍ പ്രധാനമന്ത്രി നരേന്ദ്രമോദി. യു.എസ് പ്രസിഡന്റ് ഡൊണാള്‍ഡ് ട്രംപും മെലാനിയയും സുരക്ഷിതരാണെന്നറിഞ്ഞതില്‍ സന്തോഷമുണ്ടെന്ന്  മോദി പറഞ്ഞു. ജനാധിപത്യത്തില്‍ അക്രമത്തിന് സ്ഥാനമില്ലെന്നും അതിനെ അപലപിക്കണമെന്നും മോദി എക്‌സില്‍ കുറിച്ചു.

'വാഷിംഗ്ടണ്‍ ഡിസിയിലെ ഹോട്ടലിലുണ്ടായ സുരക്ഷാ വീഴ്ചയില്‍  പ്രസിഡന്റ് ട്രംപ്, പ്രഥമ വനിത, വൈസ് പ്രസിഡന്റ് എന്നിവര്‍ സുരക്ഷിതരാണെന്ന വാര്‍ത്ത ആശ്വാസകരമാണ്. അവരുടെ തുടര്‍ന്നുള്ള സുരക്ഷയ്ക്കും ക്ഷേമത്തിനുമായി ഞാന്‍ ആശംസകള്‍ നേരുന്നു. ജനാധിപത്യത്തില്‍ അക്രമത്തിന് സ്ഥാനമില്ല, അത് അസന്ദിഗ്ദ്ധമായി അപലപിക്കപ്പെടേണ്ടതാണ്.' -പ്രധാനമന്ത്രി എക്‌സില്‍ കുറിച്ചു.

വൈറ്റ് ഹൗസില്‍ മാധ്യമപ്രവര്‍ത്തകര്‍ക്കായി ഒരുക്കിയ അത്താഴ വിരുന്നിനിടെയാണ് വെടിവെപ്പുണ്ടായത്. കാലിഫോര്‍ണിയ ടോറന്‍സില്‍നിന്നുള്ള കോള്‍ തോമസ് അലന്‍ (31) ആണ് വെടിയുതിര്‍ത്തതെന്ന് അസോസിയേറ്റഡ് പ്രസ് (എ.പി) റിപ്പോര്‍ട്ട് ചെയ്യുന്നു. വെടിയൊച്ച കേട്ടയുടന്‍ തന്നെ സുരക്ഷാസേന ട്രംപിനെ സംഭവ സ്ഥലത്തുനിന്ന് ഒഴിപ്പിച്ചിരുന്നു. ഒരു സീക്രട്ട് സര്‍വിസ് ഏജന്റിന് വെടിയേറ്റതായാണ് റിപ്പോര്‍ട്ട്. അതേസമയം, പരുക്ക് ഗുരുതരമല്ല.

ട്രംപ്, പ്രഥമവനിത മെലാനി, വൈസ് പ്രസിഡന്റ് ജെ.ഡി. വാന്‍സ് ഉള്‍പ്പെടെ പ്രമുഖര്‍ വേദിയിലിരിക്കുന്നിതിനിടെയാണ് വൈറ്റ് ഹൗസ് ഹില്‍ട്ടന്‍ ഹാളിനു പുറത്ത് വെടിയൊച്ച കേള്‍ക്കുന്നത്. ഉടന്‍ തന്നെ സുരക്ഷ ഉദ്യോഗസ്ഥന്‍ വേദി വളയുകയും ഇവരെ സുരക്ഷിത സ്ഥാനത്തേക്ക് മാറ്റുകയുമായിരുന്നു. ഇതന്റെ ദൃശ്യങ്ങള്‍ പുറത്തു വന്നിരുന്നു. എട്ടു തവണ വരെ വെടിയൊച്ച കേട്ടെന്ന് ദൃക്‌സാക്ഷികളെ ഉദ്ധരിച്ച് യു.എസ് മാധ്യമങ്ങള്‍ റിപ്പോര്‍ട്ടു ചെയ്തത്.

യുഎസ് പ്രസിഡന്റിന്റെ നേതൃത്വത്തില്‍ എല്ലാ വര്‍ഷവും നടന്നു വരാറുള്ള പ്രത്യേക ചടങ്ങാണ് വൈറ്റ്ഹൗസ് കറസ്‌പോണ്ടന്റ് ഡിന്നര്‍. മാധ്യമപ്രവര്‍ത്തകര്‍, സര്‍ക്കാര്‍ പ്രതിനിധികള്‍, സെലിബ്രിറ്റികള്‍ തുടങ്ങിയവരാണ് വിരുന്നില്‍ പങ്കെടുക്കുന്നത്.സുരക്ഷാ കാരണങ്ങളാല്‍ നിര്‍ത്തിവെച്ച വിരുന്ന് മറ്റൊരു ദിവസം നടത്തുമെന്ന് ട്രംപ് പ്രതികരിച്ചു.

Prime Minister Narendra Modi has strongly condemned the shooting incident at a Donald Trump rally, emphasizing that violence has no place in a healthy democracy. Expressing relief over the former US President's safety, PM Modi sent his thoughts and prayers to Trump and the families of the victims.