ചെന്നൈ: തമിഴ്‌നാട്ടിലെ തിരുവള്ളൂരില്‍ എസി വാങ്ങുന്നതിനെചൊല്ലി ഭര്‍ത്താവുമായുണ്ടായ തര്‍ക്കത്തിന് പിന്നാലെ ഭാര്യയെ മരിച്ച നിലയില്‍ കണ്ടെത്തി. തിരുവള്ളൂരിന് സമീപത്തെ പുല്ലാരംപാക്കം സ്വദേശി മോണിക്ക (23) ആണ് മരിച്ചത്. 

കടുത്ത ചൂടിനെ തുടര്‍ന്ന് എസി വാങ്ങുന്നതിനെ ചൊല്ലി രാത്രിയില്‍ മോണിക്കയും ഭര്‍ത്താവ് ആകാശും (26) തമ്മില്‍ തര്‍ക്കം ഉണ്ടായിരുന്നു.എന്നാല്‍ ഭര്‍ത്താവ് ആവശ്യം നിരസിച്ചു. ഇതില്‍ മനംനൊന്താണ് യുവതി ആത്മഹത്യ ചെയ്തത്. 

യുവതിയുടെ ഭര്‍ത്താവും അച്ഛനമ്മമാരും സഹോദരനും രാത്രി ടെറസില്‍ ആണ് ഉറങ്ങിയത്. പിറ്റേദിവസം രാവിലെ താഴെ വന്നപ്പോള്‍ മോണിക്കയുടെ മുറി അടഞ്ഞു കിടക്കുകയായിരുന്നു. വാതില്‍ പൊളിച്ച് അകത്തു കടന്നപ്പോഴാണ് മോണിക്കയെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്.

ഉടന്‍ തന്നെ വിവരം അറിയിച്ചതനുസരിച്ച് പുല്ലാരമ്പാക്കം പൊലിസ് സ്ഥലത്തെത്തി.യുവതിയുടെ മൃതദേഹം തിരുവള്ളൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി. 

സംഭവത്തില്‍ അസ്വാഭാവിക മരണത്തിന് കേസെടുത്തിട്ടുണ്ട്. അന്വേഷണം തുടങ്ങിയെന്ന് പൊലിസ് അറിയിച്ചു. തിരുവള്ളൂരിലെ വസ്ത്രവില്‍പ്പനശാലയില്‍ ജീവനക്കാരനാണ് മോണിക്കയുടെ ഭര്‍ത്താവ് ആകാശ്. മോണിക്കയും ഇതേ ഷോപ്പിലെ ജീവനക്കാരിയായിരുന്നു.  മൂന്ന് വര്‍ഷം മുമ്പായിരുന്നു ഇരുവരുടേയും വിവാഹം. 

In a heartbreaking incident, a woman was found dead after a dispute with her husband over purchasing an air conditioner. Reportedly, the couple had a disagreement regarding the expense, following which the woman took the extreme step.