നദുബൈ: ഗസ്സ മുനമ്പിലെ ദുരിതമനുഭവിക്കുന്ന ഫലസ്തീന്‍ ജനതയെ സഹായിക്കുന്നതിനുള്ള യു.എ.ഇയുടെ ശ്രമങ്ങള്‍ തുടരുന്നു. ഓപറേഷന്‍ ചിവാല്‍റസ് നൈറ്റ് 3 പ്രകാരം യു.എ.ഇ നടത്തുന്ന 'ഹുമൈദ് എയര്‍ ബ്രിഡ്ജ്' പദ്ധതിയുടെ ഭാഗമായി 100 ടണ്‍ ഭക്ഷ്യവസ്തുക്കള്‍ കൂടി അയച്ചു.

ദുരിതബാധിത കുടുംബങ്ങളുടെ അടിസ്ഥാന ആവശ്യങ്ങള്‍ നിറവേറ്റുന്നതിനും ഗസ്സ മുനമ്പിലെ ഫലസ്തീനികളുടെ ഭക്ഷ്യക്ഷാമം പരിഹരിക്കാന്‍ സഹായിക്കുന്നതിനുമായി 3,300 ഭക്ഷണ പാഴ്‌സലുകളാണ് കയറ്റുമതി ചെയ്തത്.യു.എ.ഇയുടെ സഹായ വിമാനം ഈജിപ്ഷ്യന്‍ നഗരമായ അല്‍ അരിഷില്‍ എത്തി. ഭക്ഷ്യവസ്തുക്കള്‍ ഇവിടെയുള്ള യു.എ.ഇ ലോജിസ്റ്റിക്‌സ് സെന്ററിലേക്ക് കൊണ്ടുപോയി. ഗുണഭോക്താക്കള്‍ക്ക് വേഗത്തില്‍ വിതരണം ചെയ്യാന്‍ നടപടി സ്വീകരിച്ചുവരികയാണ്. അംഗീകൃത സംവിധാനങ്ങളിലൂടെ ഗസ്സയിലേക്ക് പ്രവേശിക്കാന്‍ തയ്യാറെടുപ്പുകള്‍ ആരംഭിച്ചിട്ടുണ്ട്.

ഫലസ്തീന്‍ ജനതയ്ക്ക് മാനുഷികവും ദുരിതാശ്വാസപരവുമായ സഹായങ്ങള്‍ എത്തിക്കുന്നതിന് യു.എ.ഇ തുടര്‍ച്ചയായ ശ്രമം നടത്തിവരുന്നു. ഓപ്പറേഷന്‍ ചിവാലറസ് നൈറ്റ് 3 ആരംഭിച്ചത് മുതല്‍ വായു, കര, കടല്‍ മാര്‍ഗങ്ങള്‍ വഴി ഭക്ഷണവും മരുന്നുകളും മറ്റ് അവശ്യവസ്തുക്കളും എത്തിച്ചുനല്‍കുന്നു.

Summary: As part of the ongoing 'Operation Chivalrous Knight 3,' the UAE has dispatched an additional 100 tons of food supplies to support the people of Gaza. This shipment, consisting of 3,300 food parcels, arrived via an air bridge at Al Arish Airport in Egypt.

The aid has been transferred to a logistics center to facilitate quick distribution into the Gaza Strip through official channels. Since the launch of the humanitarian operation, the UAE has consistently provided food, medicine, and essential supplies to Palestine via air, land, and sea routes to help alleviate the ongoing food crisis.