ഗൂഡല്ലൂര്‍: കാട്ടാനയുടെ ആക്രമണത്തില്‍ തൊഴിലാളിക്ക് പരുക്കേറ്റു. മഴവന്‍ ചേരമ്പാടി സ്വദേശി മുത്തയ്യ (60) ക്കാണ് പരുക്കേറ്റത്. ഇയാളെ പന്തല്ലൂര്‍ താലൂക്ക് ആശുപത്രിയിലും തുടര്‍ന്ന് സുല്‍ത്താന്‍ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇന്നലെ രാവിലെ ആറിനാണ് സംഭവം. വീട്ടില്‍ നിന്ന് അയ്യംകൊല്ലി ടൗണിലേക്ക് നടന്ന് പോകുന്നതിനിടെ കോട്ടപ്പാടിയില്‍ വച്ചാണ് ഇയാളെ കാട്ടാന ആക്രമിച്ചത്.