കൊണ്ടോട്ടി : സൂര്യാതപമേറ്റ് സംസ്ഥാനത്ത് ഒരു മരണം കൂടി റിപ്പോര്‍ട്ട് ചെയ്തു. കൊണ്ടാട്ടി കരിപ്പൂര്‍ പുളിയംപറമ്പ് കൈതക്കോട് അമ്പലത്തിങ്ങല്‍  നെയ്യന്‍ ആലിക്കോയ ,പരേതയായ  സൈനബ ദമ്പതികളുടെ മകന്‍ സൈനുല്‍ ആബിദ്  (38) ആണ് മരിച്ചത് . ചൊവ്വാഴ്ച ഉച്ചക്ക് വാഹനമോടിച്ച് പോകുന്നതിനിടെ സൂര്യാതപമേറ്റ് കോഴിക്കാട് മെഡിക്കല്‍ കോളജ് ആശുപുതിയില്‍ പ്രവേശിപ്പിച്ചിരുന്നു. ഇന്ന് രാവിലെയാണ് മരിച്ചത്. പുതിയവീട്ടിലേക്ക് താമസം മാറിയിട്ട് ഒരു മാസമെ ആയിരുന്നുള്ളു. കോഴിക്കോട് മെഡിക്കല്‍ കോളേജില്‍ നിന്ന് പോസ്റ്റുമോര്‍ട്ടം ചെയ്തതിനുശേഷം പുളിയം പറമ്പ് ജുമാമസ്ജിദ് ഖബര്‍സ്ഥാനില്‍ മറവ് ചെയ്യും.

ഭാര്യ : രിസ്‌വാന മക്കള്‍: ഫാത്തിമ രഹന, സിദ്‌ന (ഇരുവരും കൈതക്കോട് ബിഷാറത്തുല്‍ ഇസ്ലാം മദ്രസ വിദ്യാര്‍ഥികള്‍ ),ഫാത്തിമ അസ്‌വ. സഹോദരങ്ങള്‍: ഖമറുദ്ദീന്‍,പരേതനായ അസൈനാര്‍,ഖമറുന്നിസ

ALSO READ: പവർ കട്ട് അധിക നാൾ വേണ്ടിവരില്ലെന്ന കെഎസ്ഇബി; നിലവിലെ പ്രതിസന്ധി ഉടൻ അവസാനിക്കുമെന്ന് പ്രതീക്ഷ 

കഴിഞ്ഞ ദിവസം സംസ്ഥാനത്ത് സൂര്യാതപമേറ്റ് വെല്‍ഡിങ് തൊഴിലാളി മരിച്ചിരുന്നു. ഇടവ വെണ്‍കുളം എച്ച്.എസ്. റോഡില്‍ സരോജ വിലാസത്തില്‍ ഷൈന്‍ (കണ്ണന്‍-40) ആണ് മരിച്ചത്. കഴിഞ്ഞ 18നാണ് ജോലിക്കിടെ സൂര്യാതപമേറ്റത്. കുഴഞ്ഞു വീണ ഇദ്ദേഹത്തെ ഉടന്‍ തന്നെ പാരിപ്പള്ളി മെഡിക്കല്‍ കോളജിലേക്ക് മാറ്റുകയായിരുന്നു. 

തുടര്‍ന്ന് വിദഗ്ധ ചികിത്സയ്ക്കായി തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. ചികിത്സയിലിരിക്കെ ആരോഗ്യനില വഷളായതിനെ തുടര്‍ന്ന് ഇന്നലെ പുലര്‍ച്ചെയാണ് മരണം സംഭവിച്ചത്.

a 38 year old man from kondotty in malappuram died after suffering heatstroke while driving. he was undergoing treatment at kozhikode medical college hospital before passing away.