കൽപ്പറ്റ: വയനാട്ടിൽ പ്രായപൂർത്തിയാവാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ താൽക്കാലിക അധ്യാപകൻ അറസ്റ്റിൽ. കോഴിക്കോട് കുറ്റ്യാടി മരുത്തോങ്കര സ്വദേശി മുപ്പറ്റ കുഴിയിൽ വീട്ടിൽ എം. ഫൈസലിനെയാണ് (34) തൊണ്ടർനാട് പൊലിസ് അറസ്റ്റ് ചെയ്തത്.

ഈ വർഷം ഏപ്രിലിലായിരുന്നു കേസിനാസ്പദമായ സംഭവം നടന്നത്. സ്കൂളിലെ താൽക്കാലിക അധ്യാപകനായിരുന്ന ഫൈസൽ കുട്ടിക്ക് നേരെ ലൈംഗികാതിക്രമം നടത്തുകയായിരുന്നു. പീഡനവിവരം പുറത്തുപറഞ്ഞാൽ കുട്ടിയുടെ ഫോട്ടോകൾ എഡിറ്റ് ചെയ്ത് സോഷ്യൽ മീഡിയയിലൂടെ പ്രചരിപ്പിക്കുമെന്ന് ഇയാൾ ഭീഷണിപ്പെടുത്തുകയും ചെയ്തു.

ALSO READ: പിഞ്ചുകുഞ്ഞിന് കവചമായി പിതാവ്; ഓടുന്ന ട്രെയിനിനടിയിൽ നിന്നും അത്ഭുതകരമായ രക്ഷപ്പെടൽ

ഭയന്നുപോയ പെൺകുട്ടി വിവരങ്ങൾ ആദ്യം രഹസ്യമാക്കി വെച്ചെങ്കിലും, പിന്നീട് അധ്യാപകന്റെ ഭീഷണി തുടർന്നതോടെ വീട്ടുകാരെ വിവരമറിയിക്കുകയായിരുന്നു. വീട്ടുകാർ നൽകിയ പരാതിയുടെ അടിസ്ഥാനത്തിൽ തൊണ്ടർനാട് പൊലിസ് ഉടൻ തന്നെ നടപടിയെടുത്തു. ലൈംഗികാതിക്രമം, ഐടി ആക്ട് പ്രകാരമുള്ള ഭീഷണിപ്പെടുത്തൽ എന്നീ വകുപ്പുകൾ പ്രകാരമാണ് പ്രതിക്കെതിരെ പൊലിസ് കേസെടുത്തിട്ടുള്ളത്.

പ്രതിക്കെതിരെ പോക്സോ നിയമപ്രകാരവും കേസെടുത്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. സംഭവത്തിൽ കൂടുതൽ അന്വേഷണം നടന്നുവരികയാണെന്ന് പൊലിസ് അറിയിച്ചു.

A temporary teacher, identified as M. Faisal (34) from Kuttiady, was arrested by the Thondernad police for sexually assaulting a minor girl. According to the complaint, the incident occurred in April 2026.