കണ്ണൂര്‍: കര്‍ണാടക ഗുണ്ടല്‍പേട്ടില്‍ വിനോദയാത്രാ സംഘം അപകടത്തില്‍ പെട്ടു. മലയാളികളടങ്ങിയ സംഘമാണ് അപകടത്തില്‍ പെട്ടത്. അപകടത്തില്‍ മൂന്നര വയസ്സുകാരന്‍ ഉള്‍പെടെ മൂന്നുപേര്‍ മരിച്ചു. കണ്ണൂര്‍ സ്വദേശികളായ മുനീര്‍ (30), മുനീറ (45) മോഹിസ് സിദാന്‍ (മൂന്നര) എന്നിവരാണ് മരിച്ചത്. ഊട്ടിയിലേക്ക് പോവുകയായിരുന്നു ഏഴംഗ സംഘം. ഇവര്‍ സഞ്ചരിച്ചിരുന്ന കാര്‍ ലോറിയുമായി കൂട്ടിയിടിക്കുകയായിരുന്നു.

ALSO READ: യുപിയില്‍ നാല് കുട്ടികളെ വീടിനുള്ളില്‍ അതിക്രൂരമായി കൊലപ്പെടുത്തിയ നിലയില്‍; മാതാവിനെ കാണാനില്ല

കാറിലുണ്ടായിരുന്നു ബാക്കിയുള്ളവര്‍ക്ക് പരുക്കേറ്റു. ഇവരെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്. സംഘത്തിലെ ഒരു കുട്ടിയുടെ നില ഗുരുതരമാണെന്നാണ് വിവരം. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നിരുന്നു. നാട്ടുകാരും ഫയര്‍ഫോഴ്സും പൊലിസും ചേര്‍ന്ന് ഏറെ പരിശ്രമിച്ചാണ് കാര്‍ വെട്ടിപൊളിച്ച് യാത്രക്കാരെ പുറത്തെടുത്തതെന്ന് ദൃക്‌സാക്ഷികള്‍ പറയുന്നു. 

a tourist group from kannur met with a fatal accident in gundlupet, karnataka, after their car collided with a lorry, killing three people including a young child and injuring others