ന്യൂഡല്‍ഹി: പശ്ചിമേഷ്യന്‍ പ്രതിസന്ധി ഇന്ത്യന്‍ അന്താരാഷ്ട്ര യാത്രയില്‍ വന്‍ ഇടിന് വരുത്തിയതായി റിപ്പോര്‍ട്ട്. ഭൗമരാഷ്ട്രീയ സംഘര്‍ഷങ്ങളുടെ പശ്ചാത്തലത്തില്‍ ഇന്ത്യയില്‍നിന്നുള്ള അന്താരാഷ്ട്ര യാത്രക്കാരുടെ എണ്ണത്തില്‍ വലിയ ഇടിവുണ്ടായതായാണ് എയര്‍പോര്‍ട്ട് അതോറിറ്റി ഓഫ് ഇന്ത്യ (എഎഐ) പുറത്തിറക്കിയ എയര്‍ ട്രാഫിക് റിപ്പോര്‍ട്ടില്‍ പറയുന്നത്. 

ഇറാന്‍ യുദ്ധം, വ്യോമാതിര്‍ത്തിയിലെ നിയന്ത്രണം, വിമാനങ്ങളുടെ റദ്ദാക്കല്‍, വ്യോമപാത വഴിതിരിച്ചുവിടല്‍ തുടങ്ങിയവയാണ് അന്താരാഷ്ട്ര യാത്രകള്‍ക്ക് തിരിച്ചടിയായതെന്നും റിപ്പോര്‍ട്ട് വ്യക്തമാക്കുന്നു.  ഗള്‍ഫ് മേഖലകളിലേക്കുള്ള സര്‍വിസുകള്‍ വെട്ടിക്കുറച്ചതും യാത്രക്കാരുടെ എണ്ണത്തില്‍ വലിയ കുറവ് വരുത്തിയതാണ് സൂചന.

ALSO READ: ഇറാന് മുന്നിൽ അമേരിക്ക നാണംകെട്ടു എന്ന പരാമർശം; ജർമ്മനിയിൽ നിന്ന് 5,000 സൈനികരെ പിൻവലിക്കാൻ ട്രംപ്, യൂറോപ്പിൽ പടലപ്പിണക്കം!

2025 മാര്‍ച്ചില്‍ ഇന്ത്യയില്‍ നിന്ന് വിദേശത്തേക്ക് പോയത് 65.4 ലക്ഷം യാത്രക്കായിരുന്നുവെങ്കില്‍, 2026 മാര്‍ച്ചില്‍ 3.4 ലക്ഷം പേര്‍ മാത്രമാണ് പോയത്.  അതുവഴി 18.5% വലിയ ഇടിവുണ്ടായെന്ന് റിപ്പോര്‍ട്ട് ചൂണ്ടിക്കാട്ടുന്നു. അതേസമയം, ഈ വര്‍ഷം ഫെബ്രുവരിയില്‍  65.9 ലക്ഷം യാത്രക്കാരായിരുന്നു ഉണ്ടായതെങ്കില്‍ കഴിഞ്ഞ വര്‍ഷം അത് ഫെബ്രുവരിയില്‍ 64 ലക്ഷം പേരാണുണ്ടായിരുന്നത്. ഫെബ്രുവരിയില്‍ 2025നെ അപേക്ഷിച്ച് 3% വര്‍ദ്ധനവ് രേഖപ്പെടുത്തി. 2026 ജനുവരിയില്‍ അന്താരാഷ്ട്ര യാത്രയില്‍ 7.1% ആരോഗ്യകരമായ വളര്‍ച്ചയുണ്ടായി, 2025 ജനുവരിയില്‍ 72.4 ലക്ഷം യാത്രക്കാരായിരുന്നു, അതില്‍ 77.6 ലക്ഷം യാത്രക്കാരായിരുന്നു.

മാര്‍ച്ചില്‍ ഇന്ത്യയില്‍ നിന്ന് വിമാനയാത്ര (വരവും പോക്കും) 21.3% ത്തിന്റെ ഗണ്യമായ ഇടിവാണ് രേഖപ്പെടുത്തിയിരിക്കുന്നത്. മെയ് മുതല്‍ ഇന്ത്യയില്‍ നിന്ന് അന്താരാഷ്ട്ര യാത്രാ രംഗം വര്‍ദ്ധിക്കുമെന്ന് പ്രതീക്ഷിക്കുന്നതായും അധികൃതര്‍ ചൂണ്ടിക്കാട്ടി. ഗള്‍ഫിലേക്കുള്ള ഏറ്റവും വലിയ രണ്ട് വിമാനക്കമ്പനികള്‍ വ്യോമയാന കേന്ദ്രമായ ദോഹയിലേക്കുള്ള പ്രവര്‍ത്തനങ്ങള്‍ പൂര്‍ണ്ണമായും പുനഃസ്ഥാപിക്കുമെന്ന് പ്രഖ്യാപിച്ചിട്ടുണ്ട്. ഇത് മെയ് മുതല്‍ ഇന്ത്യയില്‍ നിന്ന് അന്താരാഷ്ട്ര യാത്രാ രംഗം വര്‍ദ്ധിക്കുമെന്ന പ്രതീക്ഷക്ക് ആക്കം കൂട്ടുന്നതായും റിപ്പോര്‍ട്ട് ചൂണ്ടിക്കാട്ടുന്നു. 

india sees a sharp drop in international air travel due to middle east tensions, flight cancellations, and airspace restrictions, according to airport authority of india report