ചങ്ങരംകുളം: ഓണാഘോഷത്തിന് ആവേശംപകര്‍ന്നു മൂക്കുതലയില്‍ പകിടകളി. 50 വര്‍ഷമായി നടന്നുവരുന്ന പകിടകളി പുതുതലമുറയും ഏറ്റെടുത്തിരിക്കുകയാണ്. ഫ്രണ്ട്‌സ് മൂക്കുതലയുടെ നേതൃത്വത്തിലാണ് ഇതു സംഘടിപ്പിച്ചിരിക്കുന്നത്.

പകരാവൂര്‍ മനയിലാണ് പണ്ടു പകിടകളി നടന്നിരുന്നത്.
പഞ്ചലോഹത്തില്‍ നിര്‍മിച്ച പകിട പി.ചിത്രന്‍നമ്പൂതിരിപ്പാടാണ് നാട്ടുകാര്‍ക്കു നല്‍കിയത്
ഇതുതന്നെയാണ് ഇപ്പോഴും കളിക്കുപയോഗിക്കുന്നത്. മുന്‍ കാലങ്ങളില്‍ ദേശങ്ങള്‍ തമ്മിലായിരുന്നു മത്സരം. ആനക്കര, കുമ്പിടി, കാഞ്ഞിരമുക്ക്, പൊന്നാനി ഭാഗങ്ങളില്‍നിന്നു സംഘങ്ങള്‍ കളിക്കാനായി ഇവിടെയെത്താറുണ്ട്.
കളി തുടങ്ങിയാല്‍ മൂന്ന്, നാല് ദിവസം ഇതു നീണ്ടുനില്‍ക്കും.
ചെലവ് വര്‍ധിച്ചതോടെ ദേശക്കാര്‍ തമ്മിലുള്ള മത്സരം ഇപ്പോള്‍ കുറവാണ്.