ദുബൈ: യു.എ.ഇയിൽ വരും ദിവസങ്ങളിൽ കാലാവസ്ഥയിൽ മാറ്റമുണ്ടാകുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (എൻ.സി.എം) അറിയിച്ചു. വാരാന്ത്യത്തോടെ കാറ്റിന്റെ വേഗത വർധിക്കാനും അന്തരീക്ഷത്തിൽ പൊടിപടലങ്ങൾ നിറയാനും സാധ്യതയുണ്ട്.

ഇന്ന് പൊതുവെ തെളിഞ്ഞതോ ഭാഗികമായി മേഘാവൃതമോ ആയ കാലാവസ്ഥയായിരിക്കും. മണിക്കൂറിൽ 35 കിലോമീറ്റർ വരെ വേഗതയിൽ കാറ്റ് വീശാൻ സാധ്യതയുണ്ട്. കടൽ പൊതുവെ ശാന്തമായിരിക്കും.

ഏറ്റവും പുതിയ കാലാവസ്ഥ അപ്ഡേറ്റ് 

* വെള്ളിയാഴ്ച: താപനിലയിൽ നേരിയ കുറവുണ്ടാകും. കാറ്റ് ശക്തമാകുന്നതോടെ കടൽ പ്രക്ഷുബ്ധമാകാൻ സാധ്യതയുണ്ട്. കാറ്റിന്റെ വേഗത മണിക്കൂറിൽ 40 കിലോമീറ്റർ വരെ ഉയർന്നേക്കാം.

* ശനി, ഞായർ: വാരാന്ത്യ ദിനങ്ങളിൽ ശക്തമായ കാറ്റിനെത്തുടർന്ന് അന്തരീക്ഷത്തിൽ പൊടിപടലങ്ങൾ ഉയരും. ഇത് ദൂരക്കാഴ്ച കുറയാൻ കാരണമായേക്കും. തുറസ്സായ സ്ഥലങ്ങളിൽ യാത്ര ചെയ്യുന്നവർ ജാഗ്രത പാലിക്കണം. 

അറേബ്യൻ ഗൾഫിൽ ശനി, ഞായർ ദിവസങ്ങളിൽ കടൽ പ്രക്ഷുബ്ധമായിരിക്കുമെന്നും ഒമാൻ കടലിൽ നേരിയ തോതിൽ തിരമാലകൾ ഉയരാൻ സാധ്യതയുണ്ടെന്നും കാലാവസ്ഥാ കേന്ദ്രം മുന്നറിയിപ്പ് നൽകി.

English summary : The UAE will see generally fair weather over the coming days, with a gradual increase in winds and dusty conditions expected towards the weekend, the National Centre of Meteorology said.