ദുബൈ: ആഗോള വ്യോമയാന വിപണിയിലെ വെല്ലുവിളികളെ കാറ്റിൽപറത്തി എമിറേറ്റ്‌സ് ഗ്രൂപ്പിന് ചരിത്ര വിജയം. 2024-25 സാമ്പത്തിക വർഷത്തിൽ ഗ്രൂപ്പിന്റെ ലാഭത്തിലും വരുമാനത്തിലും സർവകാല റെക്കോർഡാണ് രേഖപ്പെടുത്തിയത്. നികുതിക്ക് മുമ്പുള്ള ലാഭം 18 ശതമാനം വർധിച്ച് 2,270 കോടി ദിർഹത്തിലെത്തി- 620 കോടി ഡോളർ.

യാത്രാക്കാരുടെ എണ്ണത്തിലുണ്ടായ വൻ വർധനവും ചരക്ക് നീക്കത്തിലെ കുതിച്ചുചാട്ടവുമാണ് എമിറേറ്റ്‌സിനെ ഈ സുവർണ്ണ നേട്ടത്തിലേക്ക് നയിച്ചത്. ഗ്രൂപ്പിന്റെ മൊത്തം വരുമാനം ആറ് ശതമാനം വർധിച്ച് 14,540 കോടി ദിർഹമായി ഉയർന്നു. 

യാത്രാ സൗകര്യങ്ങളിലെ ഗുണനിലവാരവും ആഗോളതലത്തിൽ വർധിച്ചുവരുന്ന ആവശ്യകതയുമാണ് ഈ വിജയത്തിന് പിന്നിലെന്ന് എമിറേറ്റ്‌സ് ഗ്രൂപ്പ് ചെയർമാനും ചീഫ് എക്സിക്യൂട്ടീവുമായ ശൈഖ് അഹമ്മദ് ബിൻ സയീദ് അൽ മക്തൂം വ്യക്തമാക്കി. ലോകത്തിലെ ഏറ്റവും ലാഭകരമായ ഏവിയേഷൻ ഗ്രൂപ്പ് എന്ന പദവി ഇതോടെ എമിറേറ്റ്‌സ് കൂടുതൽ ഭദ്രമാക്കി.

കൊയ്തത് വൻ നേട്ടം 

 * എമിറേറ്റ്‌സ് എയർലൈൻ മാത്രം 2,120 കോടി ദിർഹം ലാഭമുണ്ടാക്കി (20% വർധനവ്).

 * കഴിഞ്ഞ വർഷം വിമാനം കയറിയത് 5.37 കോടി പേർ.

* സർവീസുകൾ മെച്ചപ്പെടുത്താനും പുതിയ വിമാനങ്ങൾക്കുമായി 1,400 കോടി ദിർഹം ചെലവിട്ടു.

* ജീവനക്കാരുടെ എണ്ണം ഒമ്പത് ശതമാനം വർധിച്ച് 1.21 ലക്ഷമായി. 

English summary : Emirates follows an April-to-March financial year, with the latest results covering the 12 months to March 31, 2026.

The Group recorded an EBITDA of Dh41.1 billion, reflecting its strong operating profitability.