മസ്കത്ത്: കൊതുക് ഉൾപ്പെടെ രോഗം പരത്തുന്ന ഉറവിടം നിരീക്ഷിക്കാൻ ‘റാസിദ്’എന്ന ഇലക്ട്രോണിക് പ്രോഗ്രാമിന് തുടക്കമിട്ട് ഒമാൻ ആരോഗ്യ മന്ത്രാലയം. മസ്കത്തിൽ നടന്ന ചടങ്ങിൽ ആരോഗ്യ മന്ത്രാലയം അണ്ടർ സെക്രട്ടറി ഡോ. സയീദ് ബിൻ ഹാരിബ് അൽ ലംകി പദ്ധതിയുടെ ഔദ്യോഗിക ഉദ്ഘാടനം നിർവഹിച്ചു. പണ്ടത്തെ പ്രതിരോധ രീതികളിൽ നിന്ന് വ്യത്യസ്തമായി മുൻകൂട്ടിയുള്ള നിരീക്ഷണ സംവിധാനത്തിലേക്ക് മാറുകയാണ് ഇതിലൂടെ ലക്ഷ്യമിടുന്നത്. ഒമാൻ വിഷൻ 2040ന്റെ ലക്ഷ്യങ്ങളിലൊന്നായ ആരോ​ഗ്യസുരക്ഷാ സംവിധാനം മെച്ചപ്പെടുത്തുന്നതിന്റെ ഭാ​ഗമായാണ് പുതിയ പദ്ധതി.

ALSO READ: ബഹ്‌റൈനിൽ എമർജൻസി ലെയ്‌നുകൾ ദുരുപയോഗം ചെയ്യുന്നവർക്കെതിരേ കർശന നടപടി

ഡിജിറ്റൽ പിന്തുണയോടെ രോഗസാധ്യതകൾ മുൻകൂട്ടി പ്രവചിക്കാൻ കഴിയുന്ന ഒരു ആരോഗ്യ സംവിധാനമാണ് ലക്ഷ്യമെന്ന് സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ ഡയരക്ടർ ജനറൽ ഡോ. സക്കറിയ യഹ്യ അൽ ബലൂഷി പറഞ്ഞു. പരിശോധന നടത്തുന്ന ജീവനക്കാരെയും ഉന്നത ഉദ്യോഗസ്ഥരെയും നേരിട്ട് ബന്ധിപ്പിക്കുന്ന സ്മാർട്ട് സംവിധാനമാണ് ‘റാസിദ്’. ഫീൽഡിൽ നിന്നുള്ള വിവരങ്ങൾ വേഗത്തിൽ ശേഖരിക്കാനും വിശകലനം ചെയ്യാനും ഇതുവഴി സാധിക്കും. രോഗം വരാൻ സാധ്യതയുള്ള സാഹചര്യങ്ങൾ കണ്ടെത്തിയാൽ ഉടനടി പ്രതിരോധ നടപടികൾ സ്വീകരിക്കാൻ പ്ലാറ്റ്‌ഫോം വഴി സാധിക്കും. സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷന്റെ നേതൃത്വത്തിലാണ് ഈ ദേശീയ പദ്ധതി നടപ്പിലാക്കുന്നത്.

Oman's Ministry of Health has launched 'Rased,' a smart electronic platform designed for proactive vector surveillance and disease prevention, strengthening the nation’s health security under Oman Vision 2040.