കഴക്കൂട്ടം : കഴക്കൂട്ടത്ത് ജോലി തേടിയെത്തിയ ഇരുപത്തിമൂന്നുകാരിയെ സ്പായില്‍ വെച്ച് പീഡിപ്പിച സി.പി.എം ബ്രാഞ്ച് സെക്രട്ടറി അറസ്റ്റില്‍. കഴക്കൂട്ടം മേനംകുളം കല്‍പ്പന ബ്രാഞ്ച് സെക്രട്ടറി റിബ്‌സണ്‍ (32) ആണ് കഴക്കൂട്ടം പൊലിസിന്റെ പിടിയിലായത്. പാലക്കാട് സ്വദേശിനിയായ യുവതിയെ ഫ്രണ്ട് ഓഫിസ് എക്‌സിക്യൂട്ടീവ് ആയി ജോലി നല്‍കാമെന്ന് വിശ്വസിപ്പിച്ച് സുഹൃത്തായ ആലപ്പുഴ സ്വദേശിനിയാണ് 23കാരിയെ തിരുവനന്തപുരത്ത് എത്തിച്ചത്.

എന്നാല്‍ അവിടെയെത്തിയ യുവതിയെ അനുനയിപ്പിച്ച് സ്പായിലേക്ക് കൊണ്ടുപോവുകയും തുടര്‍ന്ന് ഇടപാടുകാരനായ റിബ്‌സണെ വിളിച്ചുവരുത്തുകയുമായിരുന്നു. യുവതിയെ മുറിക്കുള്ളില്‍ വെച്ച് പ്രതി ക്രൂരമായി പീഡിപ്പിക്കുകയും, ഓടി രക്ഷപ്പെടാന്‍ ശ്രമിച്ചപ്പോള്‍ ശാരീരികമായി ഉപദ്രവിക്കുകയും ചെയ്തതായി കഴക്കൂട്ടം പൊലിസ് പറയുന്നു. 

പ്രതികളില്‍ നിന്നും കഷ്ടിച്ച് രക്ഷപ്പെട്ട യുവതി ബന്ധുവീട്ടില്‍ അഭയം തേടുകയും ഭര്‍ത്താവിനെ വിവരമറിയിച്ച ശേഷം പൊലിസില്‍ പരാതി നല്‍കുകയുമായിരുന്നു. സംഭവം നടന്ന പ്രദേശത്തെ സി.സി.ടി.വി ദൃശ്യങ്ങള്‍ ഉള്‍പ്പെടെയുള്ള തെളിവുകള്‍ പരിശോധിച്ചാണ് പൊലിസ് പ്രതി റിബ്‌സണെ അറസ്റ്റ് ചെയ്തത്. സംഭവത്തില്‍ സ്പാ നടത്തിപ്പുകാരിയും ഇടനിലക്കാരിയായ മറ്റൊരു യുവതിയും ഉള്‍പ്പെടെ രണ്ടുപേര്‍ കൂടി പ്രതികളാണ്. ഇവര്‍ക്കായി പൊലിസ് തിരച്ചില്‍ ഊര്‍ജിതമാക്കിയിട്ടുണ്ട്. ഇതില്‍ ഒരാള്‍ ആലപ്പുഴയില്‍ നിന്നും കഴക്കൂട്ടം പൊലിസിന്റെ പിടിയിലായതായാണ് സൂചന

A CPM branch secretary has been arrested in Kazhakootam for the alleged sexual assault of a young woman at a spa. Read the details of the job-trap case and the ongoing investigation.