കൊച്ചി: വിവാഹവാഗ്ദാനം നല്‍കി പീഡിപ്പിച്ചെന്ന പരാതിയില്‍ സഹ സംവിധായകന്‍ ജോജോ കുരിശിങ്കലിനെതിരെ കേസെടുത്തു. മോഡലിന്റെ പരാതിയില്‍ മരട് പൊലിസാണ് കേസെടുത്തത്. ഡേറ്റിങ് ആപ്പിലൂടെ പരിചയപ്പെട്ട തന്നെ ജോജോ വിവാഹവാഗ്ദാനം നല്‍കി പീഡിപ്പിച്ചെന്നാണ് പരാതി. 

സംവിധായകനാണെന്ന് പറഞ്ഞാണ് തന്നെ പരിചയപ്പെട്ടത്. താന്‍ വിവാഹമോചിതനാണെന്നും  വിവാഹം കഴിക്കാന്‍ താല്‍പര്യമുണ്ടെന്നും ജോജോ പറഞ്ഞതായി പരാതിയില്‍ പറയുന്നു. യുവതിയുടെ വീട്ടുകാരുമായും ബന്ധം സ്ഥാപിച്ചു. തുടര്‍ന്ന്  പലതവണ ഫ്‌ലാറ്റിലേക്ക് വിളിച്ചു വരുത്തി ലൈംഗികമായി ഉപദ്രവിച്ചു. കൂടാതെ ദേഹോപദ്രം ഏല്‍പ്പിക്കുകയും അസഭ്യം പറയുകയും ചെയ്തുവെന്നും പരാതിയില്‍ പറയുന്നു. പിന്നീട് സുഹൃത്തുക്കള്‍ വഴിയാണ് ജോജോ വിവാഹിതനാണെന്നും ഒരു കുട്ടി ഉണ്ടെന്നും അറിയുന്നത്. ജോജോ വിവാഹത്തില്‍ നിന്ന് പിന്‍മാറിയതോടെ യുവതി പൊലിസില്‍ പരാതി നല്‍കുകയായിരുന്നു.  

പ്രാഥമിക അന്വേഷണങ്ങള്‍ക്ക് ശേഷം ബുധനാഴ്ച്ച പൊലിസ് എഫ്.ഐ.ആര്‍ രജിസ്റ്റര്‍ ചെയ്തിട്ടുണ്ടെന്നും യുവതിയുടെ വിശദമായ മൊഴി രേഖപ്പെടുത്തുകയും വൈദ്യപരിശോധന ഉള്‍പ്പെടെയുള്ള നടപടികള്‍ പൂര്‍ത്തിയാക്കിയെന്നും പൊലിസ് അറിയിച്ചു. 

പത്തനാപുരത്ത് മ്ലാവിനെ വെടിവച്ച് കൊന്ന് ഇറച്ചി കഴിച്ച കേസിലും ഇയാള്‍ പ്രതിയാണെന്ന് പൊലിസ് പറഞ്ഞു. ഈ കേസില്‍  വനംവകുപ്പിന്റെ അന്വേഷണം നടന്നു കൊണ്ടിരിക്കുകയാണ് 

A case has been registered against an assistant director in Kochi for allegedly sexually assaulting a model after promising to marry her. Read more about the police investigation.