അബൂദബി: അബൂദബിയിലുണ്ടായ വാഹനാപകടത്തില്‍ പരിക്കേറ്റ് ചികിത്സയിലായിരുന്ന മലയാളി യുവാവ് മരിച്ചു. പാലക്കാട് ഒറ്റപ്പാലം അമ്പലപ്പാറ തിരുണ്ടി സ്വദേശി മുഹമ്മദ് ഇര്‍ഷാദ് (23) ആണ് മരിച്ചത്. കഴിഞ്ഞ ദിവസം അബൂദബി-അല്‍ഐന്‍ റോഡിലുണ്ടായ അപകടത്തില്‍ പരിക്കേറ്റ് ശഖ് ബൂത്ത് മെഡിക്കല്‍ സിറ്റി ആശുപത്രിയില്‍ തീവ്രപരിചരണ വിഭാഗത്തില്‍ കഴിയുകയായിരുന്നു.

പരേതനായ കാളിയത്ത് അബ്ദുല്‍ കരീമിന്റെയും റുഖിയ്യയുടെയും മകനാണ്. 

മയ്യത്ത് നാട്ടിലെത്തിക്കുന്നതിനുള്ള നിയമനടപടികള്‍ ഐ.സി.എഫ് പ്രവര്‍ത്തകരുടെ നേതൃത്വത്തില്‍ പുരോഗമിക്കുകയാണ്. നടപടികള്‍ പൂർത്തിയാക്കി ഉടൻ തന്നെ മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.

English Summary: A 23-year-old Malayali youth, Muhammed Irshad, passed away while undergoing treatment following a road accident in Abu Dhabi. Irshad, a native of Thirundi, Ottapalam in Palakkad district, was injured in an accident on the Abu Dhabi-Al Ain road recently. He breathed his last at Sheikh Shakhbout Medical City.

He was the son of the late Abdul Kareem and Rukhiya.