കൊച്ചി: കളമശേരിയില്‍ പോത്തിന്റെ കുത്തേറ്റ് ഗുരുതരമായി പരുക്കേറ്റ വയോധികന്‍ മരിച്ചു. കൊല്ലംകുടിയില്‍ താമസിക്കുന്ന അബു (73) ആണ് മരിച്ചത്. ശനിയാഴ്ച വൈകുന്നേരം ഏഴ് മണിയോടെ വീടിന് സമീപത്തായിരുന്നു ദാരുണമായ സംഭവം നടന്നത്.

വീടിനടുത്തുള്ള മരങ്ങള്‍ പോത്ത് കുത്തി മറിക്കുന്നത് കണ്ട് അതിനെ ഓടിക്കാന്‍ ശ്രമിച്ച അബുവിനെ പോത്ത് തിരിഞ്ഞ് ആക്രമിക്കുകയായിരുന്നു. വാരിയെല്ലിനും കാലിനും ആഴത്തില്‍ പരുക്കേറ്റ അബുവിന്റെ നിലവിളി കേട്ട് നാട്ടുകാര്‍ എത്തിയെങ്കിലും പോത്ത് അക്രമാസക്തമായതിനാല്‍ അടുത്തേക്ക് പോകാന്‍ കഴിഞ്ഞില്ല.

പിന്നീട് പോത്തിന്റെ ഉടമസ്ഥനെത്തി മൃഗത്തെ നിയന്ത്രിച്ച ശേഷമാണ് നാട്ടുകാര്‍ക്ക് അബുവിനെ ആശുപത്രിയില്‍ എത്തിക്കാന്‍ സാധിച്ചത്. എന്നാല്‍ ചികിത്സയിലിരിക്കെ അദ്ദേഹം മരണത്തിന് കീഴടങ്ങുകയായിരുന്നു. സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചു. പോസ്റ്റ്‌മോര്‍ട്ടം നടപടികള്‍ക്ക് ശേഷം മൃതദേഹം ഇന്ന് ബന്ധുക്കള്‍ക്ക് വിട്ടുനല്‍കും.

A 73-year-old man in Kalamassery died after being fatally attacked by a buffalo while attempting to drive it away from his property.