വെഞ്ഞാറമൂട്: തിരുവനന്തപുരം എം.സി റോഡില്‍ വെഞ്ഞാറമൂട് കീഴായിക്കോണത്തുണ്ടായ അപകടത്തില്‍ യുവാവ് മരിച്ചു. കാറും ബൈക്കും കൂട്ടിയിടിച്ചാണ് അപകടമുണ്ടായത്. കടയ്ക്കല്‍ കുറ്റിക്കാട് സ്വദേശി സുബിന്‍(18) ആണ് മരിച്ചത്. ഇന്ന് പുലര്‍ച്ചെയോടെയാണ് അപകടമുണ്ടായത്. 

വെഞ്ഞാറമൂട് ഭാഗത്ത് നിന്ന് വന്ന ബൈക്ക് എതിര്‍ദിശയില്‍ നിന്ന് വന്ന കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ബൈക്കിന് പിറകിലിരുന്ന് യാത്ര ചെയ്യുകയായിരുന്ന സുബിന്‍ റോഡില്‍ തെറിച്ചുവീണു. ഗുരുതരമായി പരുക്കേറ്റ സുബിനെ ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

ബൈക്ക് ഓടിച്ചിരുന്ന സുബിന്റെ സുഹൃത്ത് സിദ്ധാര്‍ഥിനെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്.

A tragic road accident occurred in Venjaramoodu after a car and a motorcycle collided, resulting in the death of a young man.